Questions? reply in 15 minutes!

Questions? reply in 15 minutes!

విజయ్ సాయి రెడ్డి ఫోన్ కోసం ఎదురుచూస్తున్న......వైసీపీ ఎమ్మెల్యే లు

Category : politics

వైసీపీఎల్పీ సమావేశం ముగిసిన సంధర్భంగా తన కేబినెట్‌లో పని చేయబోతున్న మంత్రి పదవి పై, డిప్యూటీ సీఎం పదవులపై ఎవరికీ అవకాశం లభిస్తుంది అన్న అంశం పై ఇంకా తుది నిర్ణయం రావాల్సి ఉంది. అలాగే రెండున్నరేళ్ల తరువాత పాట మంత్రులను మార్చి కొత్త వారికి అవకాశం ఇస్తామని వైసీపీ నేతలకు స్పష్టత ఇచ్చారు ఏపీ సీఎం వైఎస్ జగన్. ఎమ్మెల్యేలకు అనేక అంశాలపై క్లారిటీ ఇచ్చిన వైఎస్ జగన్... రేపు మంత్రులుగా ప్రమాణస్వీకారం చేయబోయే ఎమ్మెల్యే లు ఎవరనే విషయాన్ని మాత్రం ఈ సమావేశంలో వెల్లడించలేదు. ఇక తుది నిర్ణయం అనంతరం మంత్రిగా అవకాశం దక్కిన వారికి పార్టీ సీనియర్ నేత విజయసాయిరెడ్డి ఫోన్ చేసి చెబుతారని వైఎస్ జగన్ ఈ సమావేశంలో చెప్పినట్టు తెలుస్తోంది.

దీంతో తమకు మంత్రి పదవి దక్కుతుందా లేదా అనే ఉత్కంఠ వైసీపీ నేతల్లో ఇంకా అలాగే కొనసాగుతోంది. కొందరు సీనియర్ నేతలు మంత్రి పదవిపై ఎంతో ధీమాతో ఉండగా... కొత్తగా మంత్రి పదవి ఆశిస్తున్న నేతలు మాత్రం తమకు అవకాశం ఉంటుందా లేదా అనే అంశంపై ఉత్కంఠగా ఎదురుచూస్తున్నారు. విజయసాయిరెడ్డి నుంచి ఎవరికి ఫోన్ వస్తుందో అని ఎమ్మెల్యేలు తెగ వెయిట్ చేస్తున్నారు. మంత్రి పదవులు ఎవరికి ఖరారయ్యాయనే విషయం తెలుసుకునేందుకు ఆ పార్టీ ఎమ్మెల్యేలు కొందరు సీనియర్ నేతలను తీవ్రంగా సంప్రదించగా... తమకు కూడా ఈ విషయంలో పెద్దగా వివరాలేవీ తెలియవని వాళ్లు చెప్పినట్టు సమాచారం.