//single page style gallary page

Questions? reply in 15 minutes!

Questions? reply in 15 minutes!

జీలం, చీనాబ్ న‌దుల‌పై పాక్ కు ప్రపంచ బ్యాంక్ షాక్

Category : world

సింధు న‌దీ జ‌లాల ఒప్పందం విష‌యంలో ప్రపంచ బ్యాంక్ భారత్ కు అనుకూలంగా తీర్పు చెప్పింది. జీలం, చీనాబ్ న‌దుల‌పై హైడ్రోఎల‌క్ట్రిక్ ప‌వ‌ర్ ప్లాంట్స్ నిర్మించుకునే హ‌క్కు భారత్ కు ఉంద‌ని తేల్చి చెప్పింది. ఈ విష‌యంలో పాకిస్థాన్ వాద‌న‌ను తోసిపుచ్చింది.

ఇందులోని సాంకేతిక అంశాలపై భారత్ , పాకిస్థాన్ కార్య‌ద‌ర్శి స్థాయి చర్చ‌ల త‌ర్వాత ప్రపంచ  బ్యాంక్ ఈ విష‌యాన్ని వెల్ల‌డించింది. దీనిపై చ‌ర్చ‌లు ఇంకా కొన‌సాగుతాయ‌ని, సెప్టెంబ‌ర్‌లో మ‌రోసారి క‌ల‌వ‌డానికి రెండు దేశాలు అంగీక‌రించాయ‌ని ప్రపంచ బ్యాంక్ ఒక ప్ర‌క‌ట‌న‌లో తెలిపింది.

సింధు జ‌లాల ఒప్పందంలో భాగంగా జీలం, చీనాబ్ న‌దుల‌పై కిష‌న్‌గంగా (330 మెగావాట్లు), రాట్లె (850 మెగావాట్లు) హైడ్రోఎల‌క్ట్రిక్ ప‌వ‌ర్ ప్లాంట్స్‌ను నిర్మించే అవ‌కాశం భారత్ కు ఉంది. అయితే ఈ రెండు ప్రాజెక్టుల డిజైన్ ఒప్పందానికి వ్య‌తిరేకంగా ఉన్న‌ద‌ని పాకిస్థాన్ వాదిస్తున్న‌ది. 

ఒప్పందం ప్ర‌కారం ప‌శ్చిమ న‌దులైన సింధుతోపాటు జీలం, చీనాబ్ న‌దుల్లోని జ‌లాల‌ను పాకిస్థాన్ వాడుకోవ‌చ్చు. అయితే ఒప్పందంలోని ప‌లు నియంత్ర‌ణ‌ల‌కు లోబ‌డి ఈ రెండు న‌దుల‌పై జ‌ల విద్యుత్ కేంద్రాలు నిర్మించుకునే అవ‌కాశం భారత్ కు ఉన్నాడని ప్రపంచ బ్యాంక్ స్ప‌ష్టం చేసింది. ప్రపంచ బ్యాంక్ మ‌ధ్య‌వ‌ర్తిత్వంతోనే 1960లో భారత్, పాకిస్థాన్ మ‌ధ్య సింధు జ‌లాల ఒప్పందం కుదిరింది.

ఈ రెండు ప్రాజెక్టుల డిజైన్‌ల‌పై త‌మ‌కు ఉన్న ఆందోళ‌న‌ల‌ను నివృత్తి చేసుకోవ‌డానికి ఆర్బిట్రేష‌న్ ఏర్పాటు చేయాల్సిందిగా పాకిస్థాన్ ప్రపంచ బ్యాంక్‌ను కోరింది. దీనికోస‌మే ఓ త‌ట‌స్థ నిపుణున్ని ఏర్పాటుచేయాల‌ని భారత్  కూడా సూచించింది.