//single page style gallary page

Questions? reply in 15 minutes!

Questions? reply in 15 minutes!

అక్రమ సంబంధం కోసం కుమార్తెను చంపేసింది !

Category : national

మానవ సంబంధాలు మంట గలుస్తున్నాయి. తన అక్రమ సంబంధానికి అడ్డు వచ్చిందని తన కుమార్తె ని చంపినా ఘటన నమోదయ్యింది.

బెంగళూరులోని అవడదెనహళ్లిలో ఓ యువతికి మూడేళ్ల కిందట ఓ యువకుడితో వివాహమైంది. వాళ్ల దాంపత్యానికి గుర్తుగా ఓ పాప కూడా ఉంది. ఇంతలో ఆమె జీవితంలోకి ఓ సమీప బంధువు ఎంట్రీ ఇచ్చాడు. ఆ పరిచయం కాస్త అక్రమ సంబంధానికి దారి తీసింది. ఇద్దరూ పారిపోయి పెళ్లి చేసుకోవాలనుకున్నారు. అందుకు తన రెండేళ్ల చిన్నారి అడ్డుగా వస్తోందని ప్రియుడితో కలిసి హతమార్చింది ఆ మహిళ. బెంగళూరులోని అవడదెనహళ్లిలో ఈ దారుణం జరిగింది.

పోలీసులు తెలిపిన వివరాల ప్రకారం..అనారోగ్యం కారణంగా అన్నపూర్ణ (2) అనే చిన్నారిని ఆమె తండ్రి రెండు రోజుల కిందట బెంగళూరులోని ఓ అసుపత్రిలో చేర్పించారు. అయితే.. ఆ చిన్నారి ఉన్నట్టుండీ కనిపించకుండాపోయింది. ఆ సమయంలో ఆసుపత్రిలో ఉన్న చిన్నారి తల్లి నివేదిత.. పాపను ఎవరో కిడ్నాప్ చేశారని కుటుంబసభ్యులకు చెప్పింది. చిన్నారి ఆచూకీ ఎంతకీ లభించకపోవడంతో వాళ్లు పోలీసులను ఆశ్రయించారు.

సీసీటీవీ ఫుటేజీల ఆధారంగా.. నిందితులను గుర్తించిన పోలీసులు నివేదితతో పాటు సతీష్ అనే మరో యువకుడిని అదుపులోకి తీసుకుని తమదైన శైలిలో విచారించగా దారుణమైన వాస్తవాలు బయటపడ్డాయి. తాను వివాహేతర సంబంధం పెట్టుకున్న సమీప బంధువు సతీష్‌తో పారిపోవడానికి పాప అడ్డుగా ఉందని, ఇద్దరం కలిసి ఆమెను గొంతు నులిమి హత్య చేశామని పోలీసులతో నివేదిత చెప్పింది.

నిందితులను ఘటనా స్థలికి తీసుకెళ్లిన పోలీసులు అన్నపూర్ణ మృతదేహాన్ని స్వాధీనం చేసుకొని పోస్టుమార్టం నిమిత్తం పంపించారు. వారిద్దరినీ అదుపులోకి తీసుకొని కేసు నమోదు చేశారు. దుర్బుద్ధితో తల్లి అనే మమకారానికి మచ్చ తెస్తూ.. చేజేతులా సంసారాన్ని నాశనం చేసుకున్న నివేదితపై కన్నడవాసులు మండిపడుతున్నారు.