//single page style gallary page

Questions? reply in 15 minutes!

Questions? reply in 15 minutes!

కొడుకు ప్రేమించాడని తల్లి పై గ్యాంగ్ రేప్ !

Category : national

తమ కుమార్తెను ప్రేమించి ఇంట్లో నుంచి తీసుకెళ్లిపోయాడనే కోపంతో ఆమె కుటుంబసభ్యులు.. యువకుడి కుటుంబం పట్ల అమానుషంగా ప్రవర్తించారు. యువకుడి తండ్రి, తల్లి, సోదరుడు, బావను కిడ్నాప్ చేయడమే కాకుండా.. అతడి తల్లిపై అత్యాచారానికి పాల్పడ్డారు.

ఉత్తరప్రదేశ్‌లోని ఘజియాబాద్‌లో ఈ దారుణం చోటు చేసుకుంది. భోపురా గ్రామానికి చెందిన ఓ యువకుడు (26) తన క్లాస్‌మేట్ అయిన ముజఫర్‌నగర్‌కు చెందిన యువతి (25)తో పరిచయం పెంచుకున్నాడు. ఆ పరిచయం కాస్త ప్రేమగా మారడంతో ఇరు కుటుంబాల వద్దకు పెళ్లి ప్రస్తావన తీసుకెళ్లారు. కానీ, యువతి కుటుంబసభ్యులు వారి పెళ్లికి నిరాకరించారు. దీంతో వారిద్దరూ నవంబర్‌ 20న ఇంట్లో నుంచి వెళ్లిపోయారు.

తమ గౌరవానికి భంగం కలిగిందని భావించిన యువతి కుటుంబసభ్యులు యువకుడిపై కక్ష పెంచుకున్నారు. డిసెంబర్ 19న యువకుడి తల్లిదండ్రులతో పాటు సోదరుడు, బావను కిడ్నాప్‌ చేశారు. షమ్లీ ప్రాంతంలోని ఓ ఇంట్లో వారిని బంధించి వారం రోజులుగా హింసించారు. యువకుడి తల్లిపై సామూహిక అత్యాచారానికి ఒడిగట్టారు.

కిడ్నాప్‌ గురించి సమాచారం అందుకున్న పోలీసులు.. ఆ ఇంటిపై దాడి చేసి బాధితులను విడిపించారు. దీంతో దారుణం వెలుగులోకి వచ్చింది. యువకుడి కుటుంబం ఫిర్యాదు మేరకు.. ఘటనలో నిందితులైన యువతి తండ్రి, ఇద్దరు సోదరులు, ఓ మాజీ సర్పంచిపై పోలీసులు కేసు నమోదు చేశారు. ప్రస్తుతం నిందితులు పరారీలో ఉన్నట్లు తెలుస్తోంది.