//single page style gallary page

Questions? reply in 15 minutes!

Questions? reply in 15 minutes!

జోరుగా పెరిగిన బంగారం గిరాకీకి జీఎస్టీ చెక్ ?

Category : business

భారత్‌లో బంగారానికి గిరాకీ జోరుగా పెరిగింది. ప్రజలకు నగదు అందుబాటులోకి రావడం, వర్షాలు మెరుగ్గా ఉంటాయన్న అంచనాలు వంటివి బంగారంపై సెంటిమెంట్‌ సానుకూలంగా మారేందుకు దోహదపడ్డాయని భావిస్తున్నారు. దానితో అక్షయ తృతీయ సందర్భంగా ఈ సంవత్సరం అమ్మకాలు గణనీయంగా పెరిగాయి. అయితే జులై నుండి అమలులోకి వచ్చిన జీఎస్టీ కారణంగా వర్షాలు మెరుగుగా ఉన్నప్పటికీ బంగారం పట్ల వినియోగదారులతో ఆసక్తి తగ్గే అవకాశాలు ఉన్నట్లు వ్యాపార వర్గాలు భావిస్తున్నాయి.

ఈ ఏడాది ద్వితీయ త్రైమాసికం (ఏప్రిల్‌-జూన్‌)లో బంగారం డిమాండ్‌ 37 శాతం పెరిగి 167.4 టన్నులకు చేరుకుంది. సీజనల్‌ డిమాండ్‌తో పాటు గ్రామీణ ప్రాంత సెంటిమెంట్‌లో పురోగతి వంటి అంశాలు పసిడి డిమాండ్‌ పెరుగుదలకు దోహదపడ్డాయని ప్రపంచ స్వర్ణ మండలి (డబ్ల్యుజిసి) తన గోల్డ్‌ డిమాండ్‌ ట్రెండ్స్‌ నివేదికలో తెలిపింది.

గత ఏడాది ఏప్రిల్‌-జూన్‌లో బంగారం డిమాండ్‌ 122.1 టన్నులు మాత్రమే ఉంది. ద్వితీయ త్రైమాసికంలో విలువపరంగా బంగారం డిమాండ్‌ 32 శాతం పెరిగి రూ  43,600 కోట్లకు చేరుకుంది. క్రితం ఆర్థిక సంవత్సరం ఇదే త్రైమాసికంలో ఇది రూ 33,090 కోట్లుగా ఉంది. రెండో త్రైమాసికంలో బంగారం డిమాండ్‌ పెరిగినప్పటికీ ఐదేళ్ల సగటుకన్నా తక్కువే ఉంది. జిఎ్‌సటి అమలు నేపథ్యంలో చాలా మంది ముందస్తుగానే బంగారం కొనుగోళ్లకు దిగడం వల్ల డిమాండ్‌ పెరిగే అవకాశం ఏర్పడినట్టు డబ్ల్యుజిసి ఇండియా మేనేజింగ్‌ డైరెక్టర్‌ పిఆర్‌ సోమసుందరమ్‌ తెలిపారు.

బంగారపు ఆభరణాలపై ఒక శాతం ఎక్సైజ్‌సుంకాన్ని విఽధించడాన్ని నిరసిస్తూ ఆభరణాల తయారీదారులు సమ్మె నిర్వహించిన ఫలితంగా అమ్మకాలపై కొంత మేర ప్రభావం పడినట్టు ఆయన చెప్పారు. ఈ ఏడాది ద్వితీయ త్రైమాసికంలో దేశీయంగా జువెలరీ డిమాండ్‌ 41 శాతం పెరిగి 89.8 టన్నుల నుంచి 126.7 టన్నులకు చేరుకుంది. విలువపరంగా ఆభరణాల డిమాండ్‌ 36 శాతం వృద్ధి చెంది 24,350 కోట్ల రూపాయల నుంచి 33,000 కోట్ల రూపాయలకు చేరింది.

ఈ ఏడాది ఏప్రిల్‌-జూన్‌ త్రైమాసికంలో బంగారంలో పెట్టుబడుల డిమాండ్‌ 26 శాతం పెరిగి 32.3 టన్నుల నుంచి 40.7 టన్నులకు చేరుకుంది. విలువపరంగా బంగారంలో పెట్టుబడుల డిమాండ్‌ 21 శాతం వృద్ధితో 8,740 కోట్ల రూపాయల నుంచి 10,610 కోట్ల రూపాయలకు చేరుకుంది. ఏప్రిల్‌-జూన్‌లో 29.6 టన్నుల బంగారాన్ని రీసైకిల్‌ చేశారు.