//single page style gallary page

Questions? reply in 15 minutes!

Questions? reply in 15 minutes!

ఎస్‌బీఐ IFSC కోడ్ ల మార్పు....మీరు చెక్ చేసుకోండి

Category : business

దేశంలో అతిపెద్ద ప్రభుత్వ రంగ బ్యాంక్ అయిన స్టేట్ బ్యాంక్ ఆఫ్ ఇండియా శనివారం 1300 బ్రాంచ్‌ల ఐఎఫ్ఎస్‌సీ కోడ్‌లను మార్చింది. ఐదు అనుబంధ బ్యాంకులు విలీనం కావడంతో ఈ మార్పు చేసినట్లు పేర్కొంది. ఇండియన్ ఫైనాన్షియల్ సిస్టమ్ కోడ్‌కి సంక్షిప్త రూపమైన ఐఎఫ్ఎస్‌సీని రిజర్వ్ బ్యాంక్ అసైన్ చేస్తుంది. ఆన్‌లైన్ ద్వారా నెఫ్ట్, ఆర్టీజీఎస్ రూపంలో లావాదేవీలు నిర్వహించడానికి ఈ కోడ్ ఆవశ్యకం.

పాత ఐఎఫ్ఎస్‌సీ కోడ్‌లను ఉపయోగించి చెల్లింపులు చేసినప్పుడు ఇబ్బంది తలెత్తకుండా వాటిని కొత్త కోడ్‌కు మ్యాప్ చేశారు. దీని వల్ల కస్టమర్లకు ఎలాంటి సమస్య తలెత్తదని ఎస్‌బీఐ మేనేజింగ్ డైరెక్టర్ ప్రవీణ్ గుప్తా తెలిపారు. బ్రాంచ్‌ల పేర్లలో మార్పు, కొత్త ఐఎఫ్ఎసీ కోడ్‌లను ఎస్‌బీఐ వెబ్‌సైట్లో ఉంచారు. ఎస్‌బీఐ బ్రాంచ్ లొకేటర్ ద్వారా కస్టమర్లు ఐఎఫ్ఎస్‌సీ కోడ్‌ను తెలుసుకోచ్చు. చెక్‌ల మీద కూడా ఐఎఫ్ఎస్‌సీ కోడ్ ఉంటుంది.

ఈ ఏడాది ఏప్రిల్‌లో స్టేట్ బ్యాంక్ ఆఫ్ హైదరాబాద్, స్టేట్ బ్యాంక్ ఆఫ్ బికనీర్ అండ్ జైపూర్, స్టేట్ బ్యాంక్ ఆఫ్ పాటియాలా, స్టేట్ బ్యాంక్ ఆఫ్ ట్రావెన్‌కోర్, స్టేట్ బ్యాంక్ ఆఫ్ మైసూర్, భారతీయ మహిళా బ్యాంకులు స్టేట్ బ్యాంక్ ఇండియాలో విలీనమయ్యాయి.