//single page style gallary page

Questions? reply in 15 minutes!

Questions? reply in 15 minutes!

​సాఫ్ట్ వేర్ ఉద్యోగులకు ఇన్ఫోసిస్ స్వీట్ న్యూస్.

Category : national

ఇన్ఫర్మేషన్ టెక్నాలజీ రంగంలో లక్షల మంది ఉద్యోగాలను కోల్పోతున్నారని, భారత్ వంటి దేశాలకు ఇది పెద్ద కుదుపే అని వరసగా వస్తున్న వార్తల నేపథ్యంలో ఐటీ ఉద్యోగ మనుషులో ఆందోళన మొదలైన విషయం తెలిసిందే. అమెరికాలో ట్రంప్ ఎన్నిక, కంపెనీల్లో ఆటోమేషన్ పెరగడంతో భారీ ఎత్తున ఉద్యోగులను తొలగించనున్నట్టుగా వార్తలు వస్తున్నాయి. విప్రో వంటి కంపెనీలు పది శాతం మంది ఉద్యోగులను తొలగించనున్నాయనే వార్తలు ఐటీ రంగంలో భయాందోళనలను పెంచాయి.

అయితే వాటన్నింటికీ భిన్నంగా ఇన్ఫోసిస్ ఒక ఆసక్తికరమైన ప్రకటన చేసింది. ఈ ఏడాది ఏకంగా ఇరవై వేల మంది కొత్త ఉద్యోగులను తీసుకోనున్నట్టుగా ఇన్ఫోసిస్ సీవోవో యూబీ ప్రవీణ్ రావు తెలిపారు. ఇందుకు సంబంధించిన నియామకాలను త్వరలో చేపడతామని ఆయన వివరించారు. ఇదే సమయంలో ఐటీ రంగంలో ఉద్యోగుల తొలగింపు అంశంపై కూడా ఆయన స్పందించారు. తొలగింపుల అంశాన్ని పెద్దది చేసి చూడవద్దని రావు అన్నారు.తమ కంపెనీలో ఇప్పటి వరకూ కేవలం నాలుగువందల మంది ఉద్యోగులను మాత్రమే తొలిగించమని, అది కేవలం వారి పనితీరు మీద ఆధారపడిన వ్యవహారం అని ఆయన అన్నారు. అలాంటి తొలగింపులు మాంద్యానికి నిదర్శనం కాదని తేల్చి చెప్పారు. ‘ఎక్కువ సంఖ్యలో ఉద్యోగాలను క్రియేట్ చేస్తాం, అతి తక్కువ సంఖ్యలో ఉద్యోగాల తొలగింపు ఉంటుంది. అది కూడా పనితీరు ప్రాతిపదికన మాత్రమే తొలగింపు ఉంటుంది.’ అనే మాటలతో ఐటీ ఉద్యోగాల మీద ఆశలు పెట్టుకున్న వారికి భరోసాను ఇచ్చారు ఇన్ఫోసిస్ సీవోవో.