//single page style gallary page

Questions? reply in 15 minutes!

Questions? reply in 15 minutes!

షాకింగ్ న్యూస్... ఆర్‌కే నగర్‌ ఎన్నికలలో 'ఓటుకు హైటెక్‌ నోటు'

Category : national

ఉప ఎన్నికల్లో అధికార పార్టీకి షాక్‌ తగలడం చాలా చాలా అరుదైన విషయం. కానీ, అలవోకగా దినకరన్‌ తమిళనాడులోని ఆర్‌కే నగర్‌ ఉప ఎన్నికల్లో పోటీ చేసి విజయం సాధించారు, అదీ ఇండిపెండెంట్‌ అభ్యర్థిగా.! డబ్బు పంపకాలకు సంబంధించి ఎవరూ తక్కువ తిన్లేదు. 3వేల రూపాయల నుంచి 10వేల రూపాయలదాకా ఒక్కో నోటుకీ రేటు పలికింది.

ఇవి కాక, బహుమతులూ ఆర్కే నగర్‌ ఓటర్లని ఓ రేంజ్‌లో ప్రలోభపెట్టాయి. అందరిలోకీ, దినకరన్‌ హైటెక్‌ వ్యూహం వర్కవుట్‌ అయ్యింది. ఆ హైటెక్‌ వ్యూహం తాలూకు బండారమేంటో ఇప్పుడిప్పుడే బయటపడ్తుండడం గమనార్హం. కేవలం 20రూపాయల నోటుతో దినకరన్‌ అండ్‌ టీమ్‌ మొత్తం వ్యవహారాన్ని హైటెక్‌ పద్ధతిలో చక్కబెట్టేసిందట.

20రూపాయల నోటు, దాని మీద ఓ 'కోడ్‌', ఆ కోడ్‌ ప్రకారం చెల్లింపులు.. ఇదీ ఆర్కే నగర్‌ ఉప ఎన్నికల్లో దినకరన్‌ అమలు చేసిన 'కంత్రీ' వ్యూహం. 20రూపాయల నోటు మీద, ఎవరికి తోచిన కోడ్‌ వారు రాసేయడానికి వీల్లేదు. ఎందుకంటే, ఇచ్చిన నోటు తాలూకు నెంబర్‌ని ముందే ఫీడ్‌ చేసుకుని, చెల్లింపుల సమయంలో ఆ నెంబర్‌నీ - కోడ్‌నీ టాలీ చేసుకుని 10వేల రూపాయల దాకా చెల్లింపులు జరిపారట.

ఈ చెల్లింపులకు సంబంధించి 'తగాదా' ముదిరి పాకాన పడ్డంతో మొత్తం వ్యవహారం వెలుగు చూసింది. 20రూపాయల నోటుతో ఓటర్లను మభ్యపెడుతున్నారంటూ అధికారంలో వున్న అన్నాడీఎంకే పార్టీ గగ్గోలు పెట్టిందిగానీ, ఆ 'వ్యూహాన్ని' పోలింగ్‌కి ముందే బయటపెట్టడంలో మాత్రం విఫలమయ్యింది. అంత పక్కాగా దినకరన్‌ 'కంత్రీ' వ్యూహాన్ని అమలు చేశాడు మరి.!