//single page style gallary page

Questions? reply in 15 minutes!

Questions? reply in 15 minutes!

దినకరన్ గెలుపు పై విశాల్ కీలక ప్రకటన

Category : national

ఆర్కే నగర్ ఉప ఎన్నికల్లో తలపడి తన అదృష్టాన్ని పరీక్షించుకోవాలని భావించి విఫలమైన దక్షిణాది హీరో విశాల్, ఇప్పుడు సంచలన ప్రకటన చేశాడు.

ఆర్‌కే నగర్‌ ఎన్నికల్లో ఘనవిజయం సాధించిన అన్నాడీఎంకే అసమ్మతి వర్గం నాయకుడు దినకరన్‌కు తాను అండగా ఉంటానని నటుడు విశాల్‌ పేర్కొన్నారు. ఆర్కే నగర్ లో ఎన్నో సమస్యలు ఉన్నాయని, వాటిని పరిష్కరించాలని, అందుకు తనవంతు సహకారాన్ని అందిస్తానని చెప్పాడు విశాల్. కుక్కర్‌ చిహ్నంపై గెలిచిన దినకరన్‌ ఆ నియోజకవర్గంలోని మహిళలంతా కుక్కర్‌తో హాయిగా వంట చేసుకునే పరిస్థితులు తెప్పించేందుకు పాటుపడాలన్నారు.

ఆ నియోజకవర్గం ప్రజల ప్రధాన సమస్యల పరిష్కారంలో తాను ఆయనకు అన్ని విధాలా సహకరిస్తాననిని తెలిపారు. ఈ మేరకు ఆదివారం సాయంత్రం ఓ ప్రకటనను జారీ చేస్తూ నియోజకవర్గంలో మురుగుకాల్వలు, నీటి సదుపాయాలు లేకుండా ప్రజలు అవస్థలు పడుతున్నారని, ఈ కీలకమైన సమస్యల పరిష్కారానికి దినకరన్‌ కృషి చేయాలన్నారు.

ఈ ఎన్నికల్లో విశాల్ స్వతంత్ర అభ్యర్థిగా నామినేషన్లు దాఖలు చేసినా అవి చెల్లవని రిటర్నింగ్ అధికారులు అతడి నామినేషన్ ను తిరస్కరించారు. ఈ విషయం అప్పట్లో ఆర్కే నగర్ ఎన్నికల ముందు కలకలం రేపింది.