Questions? reply in 15 minutes!

Questions? reply in 15 minutes!

విజయశాంతి అరెస్ట్‌.. ఉద్రిక్తత

Category : state politics

ఇంటర్ విద్యార్థుల ఆత్మహత్యలపై ప్రభుత్వ వైఖరిని నిలదీస్తూ.. కాంగ్రెస్‌ పార్టీ అన్ని జిల్లాల్లో ఆందోళనలకు దిగింది. కలెక్టరేట్ల వద్ద ఆ పార్టీ నేతలు, కార్యకర్తలు నిరసన ప్రదర్శనలకు దిగుతున్నారు. వరంగల్ కలెక్టరేట్‌ ముట్టడి కోసం కాంగ్రెస్ నాయకులు ప్రయత్నించడం ఉద్రిక్తతకు దారితీసింది. ఈ సందర్భంగా పోలీసులు, కాంగ్రెస్‌ నేతల మధ్య తోపులాట చోటు చేసుకుంది. ఈ ఘటనలో కాంగ్రెస్ నాయకురాలు విజయశాంతి, కొండా సురేఖ తదితరులను పోలీసులు అరెస్ట్‌ చేశారు. పార్టీ జిల్లా అధ్యక్షుడు నాయిని రాజేందర్ రెడ్డి, కొండేటి శ్రీధర్‌లను సైతం పోలీసులు అదుపులోకి తీసుకున్నారు.

ఇంటర్ బోర్డ్ అవకతవలకలపై సీఎం కేసీఆర్ ముందే సమీక్ష చేపడితే 19 మంది విద్యార్థుల ప్రాణాలు దక్కేవనని విజయశాంతి అభిప్రాయపడ్డారు. విద్యార్థుల భవిష్యత్తును ప్రభుత్వం చేజేతులా చిదిమేసిందని ఆమె ఆగ్రహం వ్యక్తం చేశారు. ఇంటర్ బోర్డ్ అధికారులు తల్లిదండ్రులతో దురుసుగా ప్రవర్తించడం సిగ్గుచేటని విజయశాంతి విమర్శించారు. దొరా.. 20 మంది విద్యార్థులు చనిపోయినా చలనం లేదా? ఇక నీ ఆటలు సాగవంటూ ఆమె ఘాటైన వ్యాఖ్యలు చేశారు. విద్యార్థులు అధైర్య పడవద్దని సూచించారు. ఇంటర్‌ విద్యార్ధుల కోసం ఉద్యమిస్తామని హామీ ఇచ్చారు.

Related News