Questions? reply in 15 minutes!

Questions? reply in 15 minutes!

హీరో మూవీ పై క్లారిటీ ఇచ్చిన రౌడీ..!

Category : movies

విజయ్ దేవరకొండ బ్యాక్ టు బ్యాక్ మైత్రి సంస్థకు కమిటైన విషయం తెలిసిందే. విజయ్ డియర్ కామ్రేడ్ చిత్రం తర్వాత 'హీరో' అనే మూవీ లో నటించబోతున్నాడు. అయితే హీరో చిత్రాన్ని కూడా కామ్రేడ్ తరహాలోనే నాలుగైదు భాషల్లో రిలీజ్ చేసేందుకు మైత్రి సంస్థ అత్యంత భారీ బడ్జెట్ తో నిర్మిస్తోందట. మోటార్ రేసింగ్ నేపథ్యంలో ఉత్కంఠ రేపే చిత్రమిది. కాగా ఈ చిత్రానికి దాదాపు 60-70 కోట్ల మేర బడ్జెట్ ని కేటాయించారని వినికిడి.

విజయ్ బైక్ రేసర్ గా చాలెంజింగ్ రోల్ లో నటించేందుకు శిక్షణ పొందారు. శిక్షణ అనంతరం షూటింగ్ కూడా ప్రారంభించి రేసింగ్ ట్రాక్ సన్నివేశాల కోసం మైత్రి సంస్థ భారీగా ఖర్చు చేసిందని... దాదాపు 10-15 కోట్ల మేర ఖర్చు చేసి రేసింగ్ సీన్స్ తీశారు. అయితే ఇప్పుడు ఇంత ఖర్చు చేశాక "హీరో" ఔట్ పుట్ పై సంతృప్తి చెందని మైత్రి సంస్థ ఆ ప్రాజెక్టును ఆపేసిందని ప్రచారమైంది.

ఇప్పుడు తాజాగా 'డియర్ కామ్రడ్' సక్సెస్ ఈవెంట్ లో పాలుగోన్న దేవరకొండ స్పీచ్ విన్నాక అది నిజం కాదని తేలిపోయింది. నా కామ్రేడ్స్ టీం అంతా ఇక ఎవరి పనిలో వాళ్లు ఉంటారు అని సక్సెస్ వేదికపై విజయ్ పేరుకొన్నారు. వీళ్లందరినీ సడెన్ గా మిస్సవుతాను. ఏడాది పని చేసి దూరమవుతున్నాం. వారం తర్వాత ఎవరికి వారు విడిపోతాం. ఇక రష్మిక "సరిలేరు నీకెవ్వరు" తో బిజీ గా ఉంటుంది. భరత్ వేరే స్క్రిప్టు చేస్తాడు. నేను మైత్రితో ఇంకో సినిమా చేస్తున్నా అని విజయ్ ఎమోషనల్ గా అన్నారు. దీనిని బట్టి చుస్తే హీరో ఆగిపోయిందని సాగిన ప్రచారం అంతా తప్పు అని అర్థమవుతోంది.