//single page style gallary page

Questions? reply in 15 minutes!

Questions? reply in 15 minutes!

వెంకయ్యనాయుడి చెప్పులు పోయాయ్!

Category : national

‘నా చెప్పులు పోయాయ్..’ చాలా కామన్ గా వినిపించే డైలాగే ఇది. ఇలా చెప్పులు పోగొట్టుకోవడం సామాన్యులకు ఎదురయ్యే అనుభవమే కాదు.. ప్రముఖులకు కూడా అలాంటి అనుభవాలు తప్పవని.. సాక్షాత్ దేశ ఉప రాష్ట్రపతికే ఇలాంటి అనుభవం ఎదురైందంటే ఆశ్చర్యం కలుగక మానదు.

అధికారిక, అనధికారిక కార్యక్రమాల్లో పాల్గొనడానికి కర్ణాటక రాజధాని బెంగళూరుకు వెళ్లిన ఉప రాష్ట్రపతి వెంకయ్యనాయుడు చెప్పులు పోయాయ్! బెంగళూరు సెంట్రల్ ఎంపీ పీసీ మోహన్ ఇంటికి అల్పాహారానికి వెళ్లిన వెంకయ్య నాయుడు.. ఆ కార్యక్రమాన్ని ముగించుకుని ఇంటి బయటకు వచ్చి చూస్తే.. చెప్పులు కనపడలేదు. వెదికినా.. సెక్యూరిటీ సిబ్బంది ఆరాతీసినా ప్రయోజనం లేకపోయింది. వెంకయ్య చెప్పులు పోయాయ్!

ఎంపీ ఇంటికి వెంకయ్య వచ్చిన విషయాన్ని తెలుసుకుని.. కేంద్రమంత్రి సదానందగౌడతో సహా అనేక మంది బీజేపీ నేతలు, కార్యకర్తలు అక్కడకు వచ్చారు. వాళ్లు కూడా ఇంటి బయటే చెప్పులు వదిలి వెళ్లారు. వాళ్లంతా వెళ్లిపోయాకా వెంకయ్య ఇంటి నుంచి బయటకు వచ్చారు.

అప్పటికే అక్కడ నుంచి వెళ్లిన బీజేపీ నేతలు, కార్యకర్తల్లో ఎవరైనా పొరపాటున వేసుకుని వెళ్లారో.. లేక వెంకయ్య చెప్పులను చూసి ముచ్చటపడి కొట్టుకెళ్లారో తెలియదు కానీ.. చెప్పులైతే మాయం. చేసేది లేక ఎంపీ ఇంటికి సమీపంలో ఉన్న చెప్పుల షాప్ నుండి కొత్త చెప్పులు తెప్పించుకుని.. వాటిని వేసుకుని అక్కడ నుంచి కదిలారు వెంకయ్య.