//single page style gallary page

Questions? reply in 15 minutes!

Questions? reply in 15 minutes!

ఉత్తరప్రదేశ్ ; 48 గంటల్లో ఏకంగా 18 ఎన్‌‌కౌంటర్లు !

Category : national

ఉత్తరప్రదేశ్ పోలీసులు 48 గంటల్లో ఏకంగా 18 ఎన్‌‌కౌంటర్లు చేపట్టారు.

వాంటెడ్ లిస్టులో ఉన్న 25 మందిని అరెస్టు చేయడంతో పాటు ఓ కరుడుగట్టిన నేరస్థుడిని ఎన్‌‌కౌంటర్‌‌‌‌లో మట్టుబెట్టారు. ఎన్‌‌కౌంటర్‌‌‌‌లో మృతి చెందిన ఇంద్రపాల్ సింగ్ పై ఏకంగా 33 క్రిమినల్ కేసులు నమోదు అయ్యాయి. 2013లో హరిద్వార్ లో జరిగిన ఎన్‌‌కౌంటర్‌‌‌‌లో నుంచి ఇంద్రపాల్ సింగ్ తృటిలో తప్పించుకోగా స్పెషల్ టాస్క్‌‌ఫోర్స్ కు చెందిన ఓ కానిస్టేబుల్ మృతి చెందగా ఎస్సైకి గాయాలయ్యాయి.

నేరస్థులను పట్టుకోవడం తమ బాధ్యత అని ఈ క్రమంలో తప్పించుకునేందుకు నేరస్థులు కాల్పులకు దిగడంతో ఆత్మరక్షణ కోసం తాము కూడా కాల్పులు జరపాల్సి వస్తోందని డీజీపీ ఓపీ సింగ్ అన్నారు.

అయితే యోగి ఆదిత్యనాథ్ సర్కారు అధికారంలోకి వచ్చినప్పటి నుంచి ఇప్పటి వరకు ఉత్తరప్రదేశ్‌లో ఏకంగా 950 ఎన్‌‌కౌంటర్లు చోటు చేసుకోగా ఇందులో 30 మంది నేరస్థులు చనిపోయారు. మరో 200 మంది అరెస్టు అయ్యారు.

కిందటి నెలలో పోలీసులకు, నేరస్థులకు మధ్య జరిగిన కాల్పుల్లో ఓ ఎనిమిదేళ్ల బాలుడు మృతిచెందాడు. మీడియాలో వచ్చిన కథనాల ఆధారంగా జాతీయ మానవ హక్కుల సంఘం ఉత్తరప్రదేశ్ ఎన్‌‌కౌంటర్లపై సుమొటో గా కేసు స్వీకరించింది.

వివరణ ఇవ్వాల్సిందిగా యూపీ సర్కారును ఆదేశించింది. అయితే ప్రతీ ఎన్‌‌కౌంటర్ పై న్యాయవిచారణ జరుపుతున్నామని ఆత్మరక్షణ కోసం మాత్రమే తమ పోలీసులు కాల్పులు జరపుతున్నారని యూపీ సర్కారు ఎన్.హెచ్.ఆర్.సికి లిఖితపూర్వకంగా తెలిపింది.