//single page style gallary page

Questions? reply in 15 minutes!

Questions? reply in 15 minutes!

బడ్జెట్ సమావేశాల ముహూర్తం ఖరారు !

Category : national

కేంద్ర బడ్జెట్‌ సమావేశాలకు ముహూర్తం ఖరారైంది.

ఫిబ్రవరి 1న కేంద్ర ఆర్థిక మంత్రి అరుణ్‌ జైట్లీ బడ్జెట్‌-2018ను సభలో ప్రవేశపెట్టనున్నారు. జనవరి 29 నుంచి ఫిబ్రవరి 9 వరకు తొలి విడత సమావేశాలు జరగనున్నాయి. రెండో విడత బడ్జెట్‌ సమావేశాలను మార్చి 5 నుంచి ఏప్రిల్‌ 5 వరకు నిర్వహించనున్నారు. పార్లమెంటరీ వ్యవహారాల శాఖ మంత్రి అనంత్‌కుమార్‌.. మీడియాతో మాట్లాడుతూ ఈ వివరాలను వెల్లడించారు. శుక్రవారం (జనవరి 5)తో పార్లమెంట్‌ శీతాకాల సమావేశాలు నిరవధిక వాయిదా పడిన విషయం తెలిసిందే.

ట్రిపుల్ తలాక్ బిల్లుపై ఏమీ తేల్చకుండానే.. పార్లమెంట్ నిరవధికంగా వాయిదాపడింది. బడ్జెట్ సమావేశాల్లో దీనిపై మరోసారి కూలంకషంగా చర్చించడానికి అధికార, ప్రతిపక్ష పార్టీలు అంగీకరించాయి. శుక్రవారం ప్రశ్నోత్తరాల సమయం ముగిసిన వెంటనే లోక్ సభను నిరవధింగా వాయిదా వేస్తున్నట్లు స్పీకర సుమిత్రా మహాజన్ తెలిపారు. సభా సజావుగా నిర్వహించడానికి సహకరించిన సభ్యులకు ఆమె కృతజ్ఞతలు తెలిపారు.

అటు రాజ్యసభను కూడా నిరవధికంగా వాయిదా వేస్తున్నట్లు ఛైర్మన్ వెంకయ్యనాయుడు ప్రకటించారు. ఈ సందర్భంగా ఆయన మాట్లాడుతూ.. దేశ ఆర్థిక వ్యవస్థ, ఉద్యోగ కల్పన అంశాలపై సభలో ఫలప్రదమైన చర్చ జరిగిందన్నారు. పార్లమెంట్ ఓ రాజకీయ కేంద్రమే అయినా, ఇక్కడ రాజకీయాలు ఉండవని పేర్కొన్నారు. శీతాకాల సమావేశాల్లో రాజ్యసభలో మొత్తం తొమ్మిది ప్రభుత్వ బిల్లులు పాసైనట్లు వెంకయ్య తెలిపారు. సభలో 19 ప్రైవేటు బిల్లులను ప్రవేశపెట్టారని చెప్పారు.