//single page style gallary page

Questions? reply in 15 minutes!

Questions? reply in 15 minutes!

అమెరికాలో భారీ దొంగతనం.

Category : world

కుడి చేతికి కూడా తెలియకుండా ఎడమచేత్తో దొంగతనాలు చేస్తూ చోరకళకు గుర్తింపుతెచ్చేవారు కొందరైతే, కళను అపహాస్యం చేస్తూ వార్తల్లో నిలిచేవాళ్లు మరికొందరు! అలాంటిదే ఇప్పుడు అమెరికాలో జరిగింది.. అమెరికాలోని తమ గోడౌన్ నుండి కండోమ్స్ భారీ ఎత్తున దొంగతనానికి గురి కావడం గురించి చమత్కారంగా వివరించింది లెలో అనే స్వీడిష్ సెక్స్ టాయ్స్, కండోమ్స్ తయారీ సంస్థ. లాస్ వెగాస్ ప్రాంతంలోని తమ గోడౌన్ లో దొంగతనం జరిగిందని ఆ సంస్థ ఫేస్ బుక్ లో ప్రకటించింది. గత వారంలో వరస సెలవు దినాల నేపథ్యంలో తాము గోడౌన్ ను మూసి ఉంచామని, సెక్యూరిటీ కూడా లేకుండా పోవడంతో సోమ, మంగళవారాల్లో కొంతమంది దొంగలు షట్టర్లు తెరిచి చొరబడ్డారని లెలో తెలిపింది. ఏకంగా వాహనాన్ని తీసుకొచ్చి బండిల్స్ లోని కండోమ్స్ ను వేసుకుని వెళ్లిపోయారని వివరించింది.

ఈ ఉదంతం అంతా సీసీ కెమెరాల్లో రికార్డు అయ్యింది. దొంగలు దాదాపు ముప్పై వేల కండోమ్ ప్యాకెట్స్ ను దోచుకెళ్లారని, వాటితో పాటు భారీ ఎత్తున సెక్స్ టాయ్స్ ను కూడా ఎత్తుకెళ్లారని లెలో ప్రకటించింది.ఈ ఉదంతంపై సరదాగా స్పందిస్తూ 'వాళ్లు అన్ని కండోమ్స్ ఏం చేసుకుంటారో అర్థం కావడం లేదు, బహుశా ఈ సెక్స్ టాయ్స్ ను, కండోమ్స్ ను ఎక్కడైనా పార్టీ చేసుకోవడానికి వాడుకుంటున్నారేమో. అలాగైతే దొంగతనం చేయడానికి బదులుగా ఒక సారి అడిగి ఉండే పార్టీకి మేమే స్పాన్సర్ చేసే వాళ్లం'.. అని ఫేస్ బుక్ పేజీలో పేర్కొన్నారు.విశేషం ఏమిటంటే అమెరికా చరిత్రలో ఇంత భారీ స్థాయిలో కండోమ్స్ దొంగతనం ఎప్పుడూ జరగలేదట. కండోమ్స్ దొంగతనాల్లో ఇదే అత్యంత భారీ అని అక్కడి పోలీసు వర్గాలు చెబుతున్నాయి.