Questions? reply in 15 minutes!

Questions? reply in 15 minutes!

"కబీర్ సింగ్" షూటింగ్ సమయంలో ప్రేమలో పడిన ఆ చిత్ర దర్శకుడు సందీప్ వంగా ....!

Category : movies

ఒకే ఒక్క సినిమా తో టాలీవుడ్ లో సంచలనం సృష్టించిన దర్శకుడు సందీప్ రెడ్డి వంగా....తాను డైరెక్ట్ చేసిన అర్జున్ రెడ్డి ఇండస్ట్రీ హిట్ కావడంతో ఆ సినిమాను హిందీలో కూడా రీమేక్ చేస్తున్నాడు.అయితే ఈ దర్శకుడు ఈ సినిమా షూటింగ్, పోస్ట్ ప్రొడక్షన్ పనుల మీద మొత్తానికి మొత్తం నార్త్ లోనే ఉంటున్నాడు.ఈ సమయంలోనే ఆయన ప్రేమలో పడ్డాడట.అందుకే మన సందీప్ ఈ మధ్య తెలంగాణ కి రాకుండా నార్త్ లోనే ఉందిపోతున్నాడట.ఇంతకీ సందీప్ ప్రేమలో పడింది ఏ అమ్మాయితోనో లేక ఏ సినిమా హీరోయిన్ అని అనుకుంటే మీరు పొరపడినట్టే.....'ఆల్ రెడీ పెళ్లి అయిన వ్యక్తీ మళ్లీ ప్రేమలో పడడం ఏమిటి .... అదేం లేదు... సందీప్ ప్రేమలో పడింది మనుషులతో కాదు.

ముంబై నగరంతో అవును.. మీరు చూస్తున్నది.... చదువుతున్నది నిజమే ఈ సంచలన దర్శకుడు ముంబై నగరంతో గాఢమైన ప్రేమలో పడిపోయాడట. ఈ విషయాన్ని ఆయనే స్వయంగా వెల్లడించాడు. తాజాగా ఆయన తెరకెక్కించిన ‘కబీర్ సింగ్’ సినిమా ప్రమోషన్ లో భాగంగా మీడియాతో మాట్లాడుతూ ఈ విషయాన్ని అందరితో పంచుకున్నాడు.' కబీర్ సింగ్’ సినిమా కోసం ముంబై వెళ్లిన సందీప్ కీ ఆ చిత్ర నిర్మాతలు ముంబై పశ్చిమ శివారులోని ఓ లగ్జరీ అపార్ట్ మెంట్ ను కేటాయించారు. ఆయన ఈ సినిమాను అక్కడ ఉంటూనే పూర్తి చేశారు. ఈ క్రమంలో ముంబై నగరం సందీప్ కు ఎంతగానో నచ్చేసిందట. అంతేకాదు ‘‘కబీర్ సింగ్ కోసం నేను ఏడాదిగా ముంబైలోనే ఉంటున్నాను. ఈ నగరం నాకెన్నో మర్చిపోలేని మధురానుభూతుల్ని మిగిల్చింది.

అందుకే ముంబై నగరంతో నేను ప్రేమలో పడిపోయా..... భవిష్యత్ లో కూడా ఇక్కడికే వస్తుంటాను అంతలా ఈ నగరం నా మనసుకి ఎంతో దగ్గరైంది అని చెప్పుకొచ్చాడు సందీప్ రెడ్డి వంగా ఈ సందర్బంగా తాను పంచుకున్న అనుభవాలు అభిమానులను ఎంతగానో ఆకట్టుకున్నాయి.అర్జున్ రెడ్డి ని హిందీలో ‘కబీర్ సింగ్’ పేరుతో రీమేక్ చేసిన సందీప్.ఈ సినిమాకు సంబంధించిన ట్రైలర్ కొద్దిరోజుల క్రితమే విడుదలైనది. ‘కబీర్ సింగ్’ పేరుతో వచ్చిన టీజర్ - ట్రైలర్ కు ప్రేక్షకుల నుంచి భారీ స్పందన రావడంతో అక్కడ కూడా ఈ సినిమా సంచలన విజయాన్ని అందుకోబోతుందని చిత్ర యూనిట్ ఆత్మవిశ్వాసంతో ఉంది. ఇందులో షాహీద్ సరసన కియారా అద్వాణీ నటిస్తోంది. భారీ అంచనాల నడుమ తెరకెక్కిన ఈ సినిమా జూన్ 21న ప్రేక్షకుల ముందుకు రానుంది.చూడాలి మరి ఈ సినిమా హిందీ లో ఎలాంటి విజయాన్ని సొంతం చేసుకుంటుంది అన్నది.

Related News