Questions? reply in 15 minutes!

Questions? reply in 15 minutes!

కర్ణాటక రాజకీయాల్లో పెను సంచలనం కాంగ్రెస్ – జేడీఎస్ ప్రభుత్వాన్ని కూల్చేందుకు బీజేపీ ప్రయత్నం.

Category : politics

కర్ణాటక రాష్ట్ర రాజకీయాల్లో గత ఎన్నికలు ఎవరు మరచి పోలేరు .ఈ ఎన్నికల్లో కాంగ్రెస్ – జేడీఎస్ నేతృత్వంలో ఏర్పడిన సంకీర్ణ ప్రభుత్వానికి త్వరలోనే మిత్రపక్షం నుంచి గట్టి షాక్ తగిలే ఆస్కారం ఉంది.ప్రస్తుత పరిస్థితుల్లో చూసుకుంటే కాంగ్రెస్ పార్టీ లోని కొందరు అసంతృప్త ఎమ్మెల్యేల్లో..... సుమారు పది మంది వరకు సొంత పార్టీకి రాజీనామా చేసి బీజేపీలో చేరబోతున్నరనే ప్రచారం జరుగుతోంది. అదే జరిగితే సంకీర్ణ ప్రభుత్వం కూలిపోవడం దాదాపు ఖాయమైనట్లే అని తెలుస్తుంది. మొదటి నుంచి సంకీర్ణ ప్రభుత్వానికి కాంగ్రెస్ నేతలు పెద్ద సమస్యగా మారారు. సీఎల్పీ నేత సిద్ధరామయ్యపై జేడీఎస్ రాష్ట్ర అధ్యక్షుడు హెచ్.విశ్వనాథ్ పలు సార్లు ఆరోపించారు.అంతేకాకుండా కాంగ్రెస్ సీనియర్ నాయకులు రోషన్ బేగ్ - రామలింగారెడ్డి కూడా ఆ పార్టీ పెద్దలపై అలక బునారు .ఈ నేపధ్యంలోనే వారు బహిరంగ విమర్శలు చేసిన సంగతి తెలిసిందే.

వీరికి తోడు మాజీ మంత్రి రమేశ్ జార్కి హోళి తనదైన శైలితో తమ అసమ్మతి వ్యక్తం చేస్తున్నారు. తనతో పాటు మరికొందరితో కలిసి మూకుమ్మడిగా రాజీనామా చేసి బీజేపీ తీర్థం పుచ్చుకుంటామని గతంలోనే చెప్పారు. అంతేకాకుండా ఈనెల 9వ తేదీన వారంతా బీజేపీలో చేరేందుకు ముహూర్తం కూడా ఖరారు చేసుకున్నారని సమాచారం. సంకీర్ణ ప్రభుత్వాన్ని కాపాడేందుకు ఇద్దరు స్వతంత్య్ర ఎమ్మెల్యేలతో పాటు కాంగ్రెస్ సీనియర్ ఎమ్మెల్యే ఒకరికి కేబినెట్ లో చోటు కల్పిస్తారని తెలుస్తోంది. ఈక్రమంలో తమకు అన్యాయం జరుగుతుందని భావించిన నేతలు మాజీ మంత్రి రమేశ్ జార్కిహోళి నేతృత్వంలో ఈనెల 8వ తేదీ సమావేశమై 9వ తేదీ రాజీనామా చేస్తారని సమాచారం.లోక్ సభ ఫలితాల నాటి నుంచి సంకీర్ణ ప్రభుత్వం పరిస్థితి మరింత దారుణంగా తయారైంది.

అయితే ప్రభుత్వాన్ని కాపాడేందుకు మాజీ సీఎం సిద్ధరామయ్య రంగంలోకి దిగి బుజ్జగించారు.కర్ణాటకలో ప్రభుత్వ ఏర్పాటుకు 113 మంది ఎమ్మెల్యేల బలం అవసరం ఉంటుంది. ప్రస్తుతం జేడీఎస్ 37 - కాంగ్రెస్ 79 కలిపి 116 మంది ఉన్నారు. అయితే ఇద్దరు స్వతంత్య్ర ఎమ్మెల్యేలు ప్రస్తుతం ప్రభుత్వానికి మద్దతు ఇచ్చే అవకాశం ఉన్నందున పాలక పక్షానికి ప్రస్తుతం 118 మంది ఎమ్మెల్యేల మద్దతు ఉందని అంచనా. అయితే ఉన్నఫలంగా 10 మంది ఎమ్మెల్యేలు రాజీనామా చేస్తే ప్రభుత్వం కూలిపోవడం ఖాయం అని తెలుస్తుంది. దీనికి తోడు బీజేపీ ప్రస్తుతం 105 మంది ఎమ్మెల్యేలను కలిగి ఉంది. మరో 10 నుంచి 12 మంది చేరితే ఆ సంఖ్య 117 కు చేరుతుంది. ఫలితంగా ప్రభుత్వ ఏర్పాటుకు మార్గం సులభం అయినట్లే నని చెప్పవచ్చు. దీంతో సంకీర్ణ ప్రభుత్వం కూలిపోతుందని ఈ రకంగా అంచనా వేస్తున్నారు అక్కడి రాజకీయ విశ్లేషకులు.ఇదే జరిగితే ఆ రెండు పార్టీ లకు భారీ షాక్ తప్పని సరి.