Questions? reply in 15 minutes!

Questions? reply in 15 minutes!

టీడీపీకి ఇప్పుడు అలాంటివాళ్లు చాలా అవసరం - ఎంపీ కేశినేని ఆసక్తికర ట్వీట్..

Category : politics

విజయవాడ ఎంపీ "కేశినేని నాని" సోషల్ మీడియాలో ఏదో ఒక పోస్టు పెడుతూ ప్రస్తుతం హాట్ టాపిక్‌గా మారారు.తాజాగా ఆయన తెలుగుదేశం పార్టీపై ఆసక్తికర వ్యాఖ్యలు చేశారు.ట్విటర్‌‌లో టీడీపీని ఉద్దేశిస్తూ ఓ ఆసక్తికర ట్వీట్ పెట్టారు.తెలుగుదేశానికి ఇప్పుడు విషయం ఉన్నవాళ్లు కావాలి.షో చేసే వాళ్ళు కాదు.అంటూ కేశినేని నాని తన ట్విట్టర్ ఖాతాలో ట్వీట్ చేశారు.ఇప్పటికే వరుస వలసలు,ఫిరాయింపులతో పీకల్లోతు కష్టాల్లో ఉన్న పార్టీని ఆదుకోవాలంటే.విషయం ఉన్నవాళ్ల అవసరం ఉందన్నారు.షో చేసేవాళ్లు పార్టీకి ఏ మాత్రం అవసరం లేదన్నారు.తాజగా ఆయన బీజేపీలో చేరిన టీడీపీ ఎంపీలపై కూడా కొన్ని విమర్శలు చేశారు.

కేంద్రం బడ్జెట్ ప్రకటించిన తర్వాత పార్టీ మారిన టీడీపీ ఎంపీలపై తీవ్ర ఆరోపణలు గుప్పించారు.మీరేదో ఈ రాష్ట్రాన్ని ఉద్ధరించడానికి బీజేపీలోకి వెళ్తున్నామని బిల్డప్‌ ఇచ్చారు.కానీ,నిన్న బడ్జెట్‌ చూసాక ఈ రాష్ట్ర ప్రజలకు చాలా బాగా అర్థమైంది.ఈ రాష్ట్రాన్ని ఉద్ధరించడానికి బీజేపీలోకి వెళ్లారో లేక మిమ్మల్ని మీరు ఉద్ధరించుకోవడానికి వెళ్లారో అంటూ ట్వీట్‌ చేశారు.తన మాజీ సహచరులపై విమర్శనాత్మక ధోరణిలో కేశినేని నాని చేసిన ఈ ట్వీట్‌ రాజకీయ వర్గాల్లో ఇప్పుడు చర్చనీయాంశమైంది.కేవలం కొద్ది క్షణాల్లోనే ఈ వార్త కూడా సోషల్ మీడియాలో కూడా వైరల్‌గా మారింది.

Related News