//single page style gallary page

Questions? reply in 15 minutes!

Questions? reply in 15 minutes!

టాగ్ రీడర్.. ట్రాఫిక్ క్లియర్..!

Category : national

ఫాస్ట్‌టాగ్‌ కోసం ప్రత్యేకం ఓ రూట్‌ను కేటాయించారు.టోల్‌గేట్ల దగ్గర సమస్యలకు ఫాస్ట్‌టాగ్‌లతో చెక్ పెడుతోంది కేంద్రం.ప్రయోగాత్మకంగా ప్రవేశపెట్టిన ఈ విధానం విజయవంతమయ్యింది.దేశవ్యాప్తంగా 180 టోల్‌గేట్ల దగ్గర అమల్లో ఉన్న ఈ పద్దతిని త్వరలోనే అన్నిచోట్లా అమల్లోకి తెచ్చేందుకు కసరత్తు చేస్తోంది.గుంటూరు-విజయవాడ రూట్లోని మంగళగిరి మండలం కాజ టోల్‌గేట్ దగ్గర ఈ సౌకర్యాన్ని అమల్లోకి తెచ్చారు.

టోల్ ఫీజ్ చెల్లించేందుకు గంటల తరబడి గేట్ల దగ్గర నిలబడకుండా ఫాస్టాగ్‌తో నిమిషాల్లోనే వాహనాలు వెళ్లిపోయేలా ప్లాన్ చేశారు.ఇలా చేయడం ద్వారా ఇందనం ఆదా అవ్వడం కాకుండా ట్రాఫిక్ కూడా క్లియరవుతుంది.అలాగే రద్దీ ఎక్కువగా ఉండే సమయంలో ఎంతో ఉపయోగకరంగా ఉంటుందంటున్నారు అధికారులు.

ఫాస్ట్‌టాగ్‌ కోసం ముందుగా ఆన్‌లైన్‌లోనే ప్రీ పెయిడ్‌గా డబ్బును చెల్లించాల్సి ఉంటుంది.తర్వాత ఓ ట్యాగ్‌ను వాహనం ముందు భాగంలో అతికిస్తారు.టోల్‌గేట్ ద్వారా వెళ్లే సమయంలో రేడియో ఫ్రీక్వెన్సీ ద్వారా ఆటోమెటిక్‌గా గుర్తించి గేట్ ఓపెన్ అవుతుంది.ఫీజు మొత్తాన్ని ప్రీపెయిడ్ నుంచి జమ చేసుకుంటారు.ఈ వాహనాల కోసం టోల్‌గేట్‌ల దగ్గర ప్రత్యేకంగా ఓ రూట్‌ను కేటాయిస్తారు.ఈ వాహనాలు ఎక్కడా ఆగకుండా నేరుగా వెళ్లే అవకాశం ఉంటుంది.

ఫాస్ట్‌టాగ్‌ తీసుకున్నవారు పోర్టల్‌లోకి వెళ్లి టోల్ మొత్తం వివరాలను స్టేట్‌మెంట్ రూపంలో తీసుకోవచ్చు. అలాగే ఎప్పటికప్పుడు ఆన్‌లై‌న్‌లో నెట్ బ్యాంకింగ్, డెబిట్, క్రిడెట్ కార్డులు, నెఫ్ట్, ఆర్టీజీఎస్ పద్ధతుల్లో రీచార్జ్ చేసుకునే సౌకర్యం ఉంది.ముఖ్యంగా దూరప్రయాణాలు చేసేవారు ప్రతి టోల్‌గేట్‌ వద్ద డబ్బు చెల్లించవలసిన అవసరం ఉండదు.ఆలస్యం లేకుండా ప్రయాణం కొనసాగేందుకు ఫాస్ట్ టాగ్ తోడ్పడుతుంది.