//single page style gallary page

Questions? reply in 15 minutes!

Questions? reply in 15 minutes!

పాక్ బిడ్డకు సుష్మా స్వరాజ్ సాయం.

Category : national

సోషల్ మీడియా ద్వారా సామాన్యలకు నిత్యం అందుబాటులో ఉంటూ అనేక సమస్యల పరిష్కారానికి చూపే విదేశాంగ మంత్రి సుష్మా స్వరాజ్ గురించి ప్రత్యేకంగా చెప్పాల్సిన అవసరం లేదు. త‌న దృష్టికి వ‌చ్చిన స‌మ‌స్య‌ల‌కు ప‌రిష్కారం చూపుతూ, వారి క‌ళ్ల‌ల్లో ఆనందం నింపుతున్న‌ కేంద్ర మంత్రి సుష్మాస్వ‌రాజ్‌కు ఈ సారి ఓ పాకిస్థానీ నుంచి అభ్య‌ర్థ‌న వ‌చ్చింది. లాహోర్‌కు చెందిన ఓ సివిల్‌ ఇంజినీర్ త‌న ట్విట్ట‌ర్ ఖాతా ద్వారా సాయం చేయ‌మ‌ని సుష్మాను కోరాడు. నెలల పసికందు ఓ వ్యాధితో బాధ‌ప‌డుతోంద‌ని, భారత్‌లో చికిత్స చేయించడానికి వీసా కోసంసాయం చేయమ‌ని విజ్ఞ‌ప్తి చేశాడు.

భారత్‌, పాక్‌ ఘర్షణల వ‌ల్ల త‌న బిడ్డ ఎందుకు బాధపడాలని సుష్మా స్వరాజ్‌‌తోపాటు పాకిస్థాన్ ప్రధాన మంత్రి విదేశీ వ్యవహరాల సలహాదారు సర్ సర్తాజ్ అజీజ్‌ను ట్విట్టర్‌ ద్వారా ఆయన ప్రశ్నించాడు. ఆయ‌న‌ ట్వీట్‌కు సుష్మాస్వరాజ్ స్పందిస్తూ నీ బిడ్డకు ఎలాంటి కష్టం రాదని, ముందు పాక్‌లోని భారత రాయబారి కార్యాలయాన్ని సంప్రదించాల‌ని సుష్మా తెలిపారు. అనంత‌రం మెడికల్‌ వీసా వచ్చేలా చూస్తామ‌ని ఆమె హామీ ఇచ్చారు. సివిల్ ఇంజినీర్ అయిన అతడు లాహోర్‌లోని ఫార్మన్ క్రిస్టియన్ కాలేజీ‌లో ప్రాజెక్ట్ మేనేజర్‌గా పనిచేస్తున్నాడు.