//single page style gallary page

Questions? reply in 15 minutes!

Questions? reply in 15 minutes!

వాట్సాప్ వాడకంపై నిఘా పెట్టనున్న..సుప్రీంకోర్టు....

Category : world technology

వాట్సాప్ అనేది ఫ్రెండ్స్ని కలపడానికి అని కావలసిన విధంగా వాడుకోవడం అని అనుకుంటారు.ఆన్‌లైన్ సమాచారాన్ని నియంత్రించే దిశగా కేంద్రం తీసుకున్న నిర్ణయంపై సుప్రీంకోర్టు తీవ్రంగా స్పందించింది. ‘సోషల్ మీడియా హబ్‌’ ఏర్పాటుపై ఆగ్రహం వ్యక్తం చేసింది. ‘పౌరుల వాట్సాప్ సందేశాలపైనా నిఘా పెట్టాలనుకుంటున్నారా.. దానివల్ల ప్రజలు నిత్యం ప్రభుత్వ నిఘాలో ఉండే పరిస్థితి ఏర్పడుతుంది’ అంటూ కేంద్ర సమాచార, ప్రసార మంత్రిత్వ శాఖపై కోర్టు మండిపడింది.

సోషల్ మీడియా హబ్‌’ అనే పేరుతో ప్రజల వాట్సాప్, ట్విటర్, ఇ-మెయిల్స్ సందేశాలను కూడా కేంద్ర ప్రభుత్వం తెలుసుకోవాలనుకుంటోంది అంటూ తృణమూల్ కాంగ్రెస్‌ నేత మహువా మోయిత్రా సుప్రీంకోర్టులో పిటిషన్‌ దాఖలు చేశారు. సీజేఐ దీపక్ మిశ్రా, డీవై చంద్రచూడ్, ఏఎం ఖన్విల్కర్‌తో కూడిన సుప్రీం ధర్మాసనం ఈ పిటిషన్ విచారణ చేపట్టింది.

ప్రభుత్వ నిర్ణయాన్ని వ్యతిరేకిస్తూ కోర్టును ఆశ్రయించిన పిటిషనర్ వాదనలు విన్న సుప్రీం ధర్మాసనం.. రెండు వారాల్లోగా సమాధానం చెప్పాలని కేంద్ర సమాచార, ప్రసార మంత్రిత్వ శాఖను ఆదేశించింది. దీనిపై అటార్నీ జనరల్ (ఏజీ) కె. వేణుగోపాల్ సాయాన్ని తీసుకోవాలని సూచించింది. ఏజీ ద్వారా లేదా మరెవరైనా న్యాయ నిపుణుల ద్వారా ఆగస్టు 3లోగా కోర్టుకు వివరణ ఇవ్వాలని భారత సర్వోన్నత న్యాయస్థానం ఆదేశించింది.

వాట్సాప్ తదితర వేదికల్లో వచ్చే సమాచారాన్ని నియంత్రించడానికి ‘సోషల్ మీడియా హబ్‌’ను ఏర్పాటు చేస్తున్నట్లు కేంద్రం ఇటీవల ప్రకటించింది. దీని కోసం ఆగస్టు 20న టెండర్‌ను ప్రారంభించనున్నట్లు తెలిపింది.

దీనిపై టీఎంసీ నేత మోయిత్రా సర్వోన్నత న్యాయస్థానాన్ని ఆశ్రయించారు. ఈ పిటిషన్‌ను విచారించిన సుప్రీం ధర్మాసనం ఆగస్టు 20 కంటే ముందే దీనిపై వాదనలు వింటామని పిటిషనర్‌కు తెలిపింది.జర వాట్సాప్ గురించి జర భద్రం గురు అంటున్న సుప్రీంకోర్టు..