Questions? reply in 15 minutes!

Questions? reply in 15 minutes!

సూపర్ స్టార్ రజనీకాంత్ లైఫ్ స్టోరీ నీ పాఠ్యపుస్తకాల్లో చేరుస్తూ..... నిర్ణయం తీసుకున్న తమిళనాడు ప్రభుత్వం.

Category : history

ఏ వ్యక్తి అయినా తన జీవితంలో కోట్లు సంపాదించిన రాని గౌరవం ,మర్యాద,గుర్తింపు తాను చేసే పనిని బట్టి ,తాను జీవించే విధానం, ఆహారపు అలవాట్లే తనను ఓ గొప్ప వ్యక్తిగా కీర్తిస్తాయని ఈయనను చూస్తే నే అర్థం అవుతుంది.పేరుకే సూపర్ స్టార్ కానీ ఆయన ఉండే తీరులో మాత్రం ఓ సాధారణ వ్యక్తే.ఇంతకీ ఆయనోవరో మీకిప్పటికే అర్దం అవుతుంది. ఆయనే సూపర్ స్టార్ రజనీకాంత్..... ఈ పేరు వింటేనే దక్షిణాది చలనచిత్ర పరిశ్రమ ఊగిపోతుంది. ఆయన స్టైల్ అన్నా, డైలాగ్స్ అన్నా ఆ క్రేజే వేరు. కార్పెంటర్‌ నుంచి, కండక్టర్‌ గా అక్కడి నుంచి తమిళ సినీ పరిశ్రమనే రూల్ చేసే అగ్ర నటుడిగా ఎదిగిన ఆయనకు l కోట్లాది మంది అభిమానులు ఉన్నారు. కేవలం దక్షిణాదినే కాకుండా యావత్తు ఇండియన్ ఫిల్మ్ ఇండస్ట్రీ ఆయనకు సెల్యూట్ చేస్తుంది.

ఎందుకంటే.. ఆయన వ్యక్తిత్వమే అందుకు కారణం అని చెప్పాలి. మాస్, క్లాస్ అనే తేడా లేకుండా అన్ని వర్గాల ప్రేక్షకులకు దగ్గరైన వ్యక్తి రజనీకాంత్. ఎంత ఎదిగినా ఒదిగే ఉండే ఆయన తీరే అందుకు నిదర్శనం. తమిళ నాడు నుంచి ఢిల్లీ దాకా ఆయనంటే ఇష్ట పడని వారు ఉండరు.చిన్న పిల్లల నుంచి పండు ముసలివాళ్ల వరకు ఆయనో ఆరాధ్య నటుడు. కోట్లకు కోట్లు ఉన్నా,అంతకు మించిన స్టార్‌డమ్ ఉన్నా ఎక్కడ కూడా పొగరు తలకు ఎక్కని గొప్ప వ్యక్తి. అతి సాధారణ జీవితాన్ని గడుపుతూ.. సేవా కార్యక్రమాల్లో తనదైన పాత్ర వహించే నిరాడంబరుడు ఆయన.అందుకే ఆయన ఉన్నతిని పడు మందికి స్ఫూర్తిగా తెలుపుతూ....ఇంతటి గొప్ప వ్యక్తిత్వమున్న రజనీకాంత్ గురించి విద్యార్థులకు తెలిపేందుకు తమిళనాడు ప్రభుత్వం ఓ కీలక నిర్ణయం తీసుకుంది.

ఆయన జీవిత ప్రస్థానాన్ని తెలియజేస్తూ ఆయన తన జీవితంలో ఓ నంబర్ వన్ స్టార్ గా ఎలా ఎదిగారు అన్నది ఓ జీవిత పాఠం గా ఐదో తరగతి పాఠ్యపుస్తకాల్లో పాఠ్యాంశంగా చేర్చింది తమిళ నాడు ప్రభుత్వం. స్వయంకృషితో ఎదిగిన ప్రముఖులు అనే పాఠంలో రజనీకాంత్ గురించి ప్రస్తావించారు. చార్లీ చాప్లిన్, స్టీవ్ జాబ్స్, జేకే రౌలింగ్, ఫ్రాంక్ ఓడియా, ఓప్రా విన్‌ఫ్రే సహా రజనీ గురించి పాఠ్యాంశంలో చేర్చారు.తెలుగు, తమిళం, మలయాళం, హిందీ సహా వివిధ భాషల్లో దాదాపు 160 సినిమాల్లో నటించారు రజనీకాంత్.అలాగే వయసు 70 కి సమీపిస్తున్న ఇంకా యంగ్ హీరోలకు పోటీగా సినిమాలు చేస్తూ దూసుకుపోతున్నారు.అలాగే తాజాగా ఆయన నటిస్తున్న కొత్త సినిమా దర్బార్‌ ఈ చిత్రాన్ని ఏఆర్ మురుగదాస్ దర్శకత్వంలో నయనతార హీరోయిన్‌గా తెరకెక్కబోతోంది. లైకా ప్రొడక్షన్స్ నిర్శిస్తున్న ఈ చిత్రానికి అనిరుద్ రవిచందర్ సంగీతాన్ని అందిస్తున్నారు.