//single page style gallary page

Questions? reply in 15 minutes!

Questions? reply in 15 minutes!

ఇక ఎవరినీ సహించం: యూపీ డీజీపీ సుల్ఖాన్‌ సింగ్‌

Category : national politics

ఉత్తరప్రదేశ్‌ ముఖ్యమంత్రిగా యోగి ఆదిత్యనాథ్‌ బాధ్యతలు స్వీకరించిన తరువాత పోలీసు శాఖలో భారీ మార్పు శనివారం చోటు చేసుకుంది. ఇప్పటి వరకు డీజీపీగా పనిచేసిన జావేద్‌ అహ్మద్‌ స్థానంలో సుల్ఖాన్‌ సింగ్‌ను నియమించారు. సుల్ఖాన్‌ సింగ్‌ కొత్త డీజీపీగా బాధ్యతలు స్వీకరించారు. ఈ సందర్భంగా నిర్వహించిన మీడియా సమావేశంలో సుల్ఖాన్‌ సింగ్‌ మాట్లాడుతూ రాష్ట్రంలో శాంతిభద్రతల విషయంలో కఠినంగా వ్యవరిస్తామని స్పష్టం చేశారు. వ్యక్తులు ఏ పార్టీకి సంబంధించిన వారు అనే విషయంతో సంబంధం లేకుండా చర్యలు తీసుకోవాలని ముఖ్యమంత్రి స్ట్రిక్ట్‌ ఆర్డర్స్‌ పాస్‌ చేశారని ఆయన వెల్లడించారు.

అవినీతి విషయంలో అసలు సహించేది లేదని తేల్చి చెప్పారు. గూండాగిరిని నియంత్రించడానికి పూర్తి స్థాయిలో నిష్పక్షపాత ధోరణితో ఉత్తరప్రదేశ్‌ పోలీసులు పనిచేస్తారని అన్నారు. యాంటీ రోమియో స్క్వాడ్ అంశంపై స్పందించిన ఆయన అభ్యంతరకరంగా ప్రవర్తించిన వారి విషయంలోనే యాంటీ రోమియో స్క్వాడ్ చర్యలు ఉంటాయని తెలిపారు. ఎవరైనా సరే గోరక్షణ, ఇతర పేర్లతో చట్టాన్ని చేతుల్లోకి తీసుకుంటే కఠిన చర్యలు తప్పవని సుల్ఖాన్‌ సింగ్‌ హెచ్చరించారు.

సుల్ఖాన్‌ సింగ్‌: 37 ఏండ్ల సర్వీసు సర్వీస్ ఉన్న ఆయన కేవలం 3 లక్షల విలువ జేసే 2.3 ఎకరాల పొలం, లక్నోలో ఓ మూడు గదుల ఇల్లు తప్ప తనకంటూ ఏ ఆస్తిని సంపాదించుకోలేదంటేనే తెలుస్తుంది ఆయన ఎంత నిజాయితీ పరుడో. 2007లో ములాయంసింగ్ హయాంలో జరిగిన భారీ పోలీసు రిక్రూట్‌మెంట్ స్కాం బయటపెట్టడంతో డీజీపీ కాలేకపోయాడు, లేకుంటే ఎప్పుడో డీజీపీ అయ్యేవాడు. ఆ తరువాత మొత్తం నాన్ ఫోకల్ పోస్టుల్లోనే వేశారు. అఖిలేష్ హయాంలో కూడా తన ప్రతిభకు న్యాయం జరగలేదు.2012లో ఈ సుల్కాన్ సింగ్‌కన్నా ఎనిమిది మెట్లు కింద ఉన్న జావీద్ అహ్మద్‌ను డీజీపీగా వేశారు అఖిలేష్. బీజేపీ అధికారంలోకి రావటంతో పరిస్థితి మారింది. నిజాయితీ కి పట్టం కడుతూ సుల్ఖాన్‌ సింగ్‌ డీజీపీ చేసిన యోగిని ప్రతిఒక్కరం అభినందించాలి. సుల్ఖాన్‌ సింగ్‌ పదవి కాలం మరో ఏడాదితో ముగియనున్నది.