Questions? reply in 15 minutes!

Questions? reply in 15 minutes!

మళ్ళీ లాభాల బాట లో మర్కెట్స్ ....!

Category : business

శుక్రవారం నాడు దేశీయ సూచీలు భారీ లాభాలతో ముగిశాయి. నేటి ట్రేడింగ్‌లో సెన్సెక్స్ 370 పాయింట్లకు పైగా లాభపడగా.. నిఫ్టీ మళ్లీ 11,500 మార్కుకు చేరింది. క్రితం క్లోజింగ్‌తో పోలీస్తే.. ఈ ఉదయం 200 పాయింట్లకు పైగా లాభంతో సెన్సెక్స్, 70 పాయింట్లకు పైగా లాభంతో నిఫ్టీ ట్రేడింగ్ ప్రారంభించాయి. సెన్సెక్స్‌ ఒక దశలో 400 పాయింట్ల వరకు లాభపడింది. బ్యాంకింగ్‌, లోహ, స్థిరాస్తి, ఆటోమొబైల్‌, హెల్త్‌కేర్‌, విద్యుత్‌ తదితర రంగాల్లో కొనుగోళ్లు పెరగడం మార్కెట్లకు కలిసొచ్చింది.

మదుపర్లు కొనుగోళ్లకు మొగ్గుచూపడంతోపాటు, డాలర్‌తో రూపాయి విలువ బలపడటం లాభాలకు కారణమైంది. ట్రేడింగ్ ముగిసే సమయానికి 372.68 పాయింట్లు లాభపడ్డ సెన్సెక్స్ 38,090.64 వద్ద ముగిసింది. 145.30 పాయింట్లు లాభపడ్డ నిఫ్టీ 11,515.20 వద్ద ముగిసింది. డాలర్‌తో రూపాయి మారకం విలువ రూ.23 పైసలు కోలుకుని 71.95గా కొనసాగుతోంది. శుక్రవారం నాటి బులియన్‌ మార్కెట్లో రూ. 200 తగ్గి 10 గ్రాముల బంగారం రూ. 31,400 పలికింది. ఇక వెండి కూడా పసిడి దారిలోనే పయనించింది. కొనుగోళ్లు లేకపోవడంతో రూ. 250 తగ్గింది. దీంతో నేటి మార్కెట్లో కేజీ వెండి ధర రూ. 37,650గా ఉంది.

ఎన్‌ఎస్‌ఈలో బీపీసీఎల్ (+6.09), వేదాంత (+5.37), హెచ్‌పీసీఎల్ (+5.10), యూపీఎల్ (+4.70), బజాజ్ ఫైనాన్షియల్ సర్వీసెస్ (+4.63),సంస్థల షేర్లు టాప్ గెయినర్లుగా నిలిచాయి. మరోవైపు కోల్ ఇండియా (-1.49), హెచ్‌సీఎల్ టెక్ (-1.48), ఇన్ఫోసిస్ (-1.24), గెయిల్ (-0.04), బీపీసీఎల్ (-3.60) షేర్లు టాప్ లూజర్లుగా మిగిలాయి.

#Stockmarket #Stockmarkettoday #stockmarketupdates

Related News