//single page style gallary page

Questions? reply in 15 minutes!

Questions? reply in 15 minutes!

దుబాయ్ వెళ్లేముందు ఏమి జరిగిందంటే ?

Category : world

మోహిత్ మర్వా పెళ్లి కోసం దుబాయ్ వెళ్లడానికి ముందే శ్రీదేవి ఆరోగ్యం బాగోలేదని ఆమె స్నేహితురాలు పింకీ రెడ్డి తెలిపారు. జ్వరంతో బాధపడుతున్నానని తనతో ఫోన్లో చెప్పిందని టి.సుబ్బిరామి రెడ్డి కుమార్తె అయిన పింకీ రెడ్డి చెప్పారు. 8 ఏళ్ల వయసు నుంచి మా మధ్య స్నేహం ఉందని చెప్పిన పింకీ రెడ్డి.. ఆప్త మిత్రురాలు మరణించడంతో షాకయ్యానని చెప్పారు. శ్రీదేవి మరణించిందంటే నమ్మలేకపోతున్నానని వాపోయారు.

గత ఏడాది నవంబర్లో పింకీ రెడ్డి ఇంట్లో శుభకార్యంలో పాల్గొనడం కోసం శ్రీదేవి ప్రత్యేకంగా హైదరాబాద్ వచ్చారు. ప్రియ నేస్తాన్ని చూడటం అదే చివరిసారని పింకీ రెడ్డి తెలిపారు. సర్జరీల వల్లే శ్రీదేవి చనిపోయిందనే వార్తల పట్ల ఆమె మండిపడ్డారు. బాత్ టబ్‌లో మునిగిపోవడం వల్లే శ్రీదేవి చనిపోయారని పోస్ట్ మార్ట్ నివేదికలో తేలిన సంగతి తెలిసిందే.

బోనీ కపూర్‌తో ఫోన్లో మాట్లాడానని, ఆయన ఏడుస్తూనే ఉన్నారని పింకీ రెడ్డి చెప్పారు. దంపతులిద్దరూ ఎంతో అన్యోన్యంగా ఉండేవారని, పోట్లాడుకోవడం కూడా తెలియదని ఆమె తెలిపారు. జాన్వీ సినిమా విడుదలకు సిద్ధం అవుతోన్నవేళ ఈ సంఘటన చోటు చేసుకోవడం చాలా బాధాకరమని ఆవేదన వ్యక్తం చేశారు.

Related News