//single page style gallary page

Questions? reply in 15 minutes!

Questions? reply in 15 minutes!

జులై 2న సూర్యగ్రహణం.గర్భిణీ స్త్రీలకు ఈ జాగ్రత్తలు తప్పనిసరి !

Category : editorial

శాస్త్రీయ కోణంలో భూమి, చంద్రుడు,సూర్యుడు ఒకే సరళరేఖపైకి రావడం వల్ల గ్రహణాలు ఏర్పడతాయి.భూమికి ఇరువైపులా సూర్యుడు, చంద్రులు సంచరిస్తుంటారు.మధ్యలో భూమి ఉంటుంది.ఈ మూడూ ఒకే సరళరేఖపైకి వచ్చినప్పుడు చంద్రుడి నీడ సూర్యుడిపై పడి, పాక్షికంగా గానీ,పూర్తిగా గానీ కనిపించకపోవడాన్ని సూర్యగ్రహణం అని అంటారు.ఇది అమావాస్య రోజున సంభవిస్తుంది.కానీ,అన్ని అమావాస్యల్లోనూ సూర్యగ్రహణాలు ఏర్పడవు.ఈ ఏడాది జనవరిలో ఇప్పటికే రెండు గ్రహణాలు సంభవించాయి.వీటిలో ఒకటి సూర్యగ్రహణం,ఇంకొకటి చంద్రగ్రహణం.ఇక జులైలోనూ రెండు గ్రహణాలు ఏర్పడనున్నాయి.జులై 2న ఏర్పడే సూర్యగ్రహణం భారత్‌లో కనిపించదు.జులై 17న ఏర్పడే చంద్రగ్రహణం మాత్రం దేశంలోని కొన్ని ప్రాంతాల్లో దర్శనమిస్తుంది.ఈ నేపథ్యంలో గర్భిణీలపై ఈ గ్రహణం ఎలాంటి ప్రభావం చూపుతుంది.ఈ యొక్క ప్రకియ ప్రాచీన హిందూ మతానికి సంబంధించిన సూర్య సిద్ధాంతంలోనూ చెప్పబడింది.

సూర్య గ్రహణం అమావాస్య నాడు మాత్రమే వస్తుంది.ప్రాచీన కాలంలో గ్రహణాలను అశుభ సూచకంగా భావించేవారు.ఇప్పటికీ కూడా ప్రపంచంలో కొన్ని ప్రాంతాల ప్రజలు దీనిని పాటిస్తున్నారు.అకస్మాత్తుగా సూర్యుడు ఆకాశం నుంచి మాయమై చీకటి కమ్ముకోవడంతో ప్రజలు భయభ్రాంతులకు గురవుతారు.విజ్ఞాన శాస్త్రం గ్రహణాలను వివరించిన తరువాత ప్రజల్లో ఇటువంటి నమ్మకాలు చాలా వరకూ తగ్గాయి. గర్భిణీలపై గ్రహణం ప్రభావం చూపుతుందని చాలా మంది బలంగా నమ్ముతారు.ఇది మూఢనమ్మకమా,శాస్త్రీయ కోణమా అనేది పక్కనపెడితే గర్బిణిలు కొన్ని సూచనలు పాటించాలి.గ్రహణం పట్టడానికి మూడు గంటల ముందే భోజనం ముగించాలి.గ్రహణం మొదలైన తర్వాత ఆహారం తీసుకోరాదట.రాహు,కేతువులను సూర్యుడు లేదా చంద్రుడ్ని మింగినప్పుడు వాటి లాలాజలం భూమిపై పడుతుందని,ఇవి విషపూరితమైనవని పెద్దలు అంటారు.కాబట్టి ఆ సమయంలో ఆహారం తీసుకుంటే పుట్టబోయే బిడ్డపై ప్రభావం చూపుతాయని గట్టి నమ్మకం.

గర్భంలోని పిండంపై త్వరితగతిన ప్రభావం చూపుతుందని,తద్వారా పుట్టబోయే సంతానం ఏదైనా లోపాలతో పుడతారని పెద్దలు చెబుతున్నారు. అందుకే ఈ ప్రభావం పడకుండా గ్రహణవేద ప్రారంభం కాకముందే అంటే గ్రహణ సమయానికి ఆరు గంటల ముందుగానే భోజనం చేయమని శాస్త్రం చెబుతుంది.అంటే తినే పదార్థం అరగడానికి ఇది సరైన సమయం అన్నమాట.ఇక సైన్స్ పరంగా చూస్తే గ్రహణం రోజున సూర్యుడి నుంచి వచ్చే ఉష్ణోగ్రతలు తగ్గిపోతాయి.దీని వల్ల ఆహారపదార్థాలపై ఉన్న క్రిమికీటకాలు మరింత పెరిగే అవకాశం ఉంది.దీని వల్ల బ్యాక్టీరియా పెరిగిన ఇలాంటి ఆహారం తీసుకుంటే ఆరోగ్యంపై ప్రభావం చూపుతుంది.గ్రహణాన్ని చూడరాదని,చూడటం వల్ల పుట్టే పిల్లలు అనారోగ్యంతో ఉంటారని చెబుతారు.అలాగే గ్రహణ సమయం ముగిసిన తర్వాత తలస్నానం చేయాలి.

గ్రహణ సమయంలో దైవనామస్మరణతో గడపాలని పండితులు సూచిస్తున్నారు."ఓం నమో నారాయణాయ" అనే అష్టాక్షరీ మంత్రం,"ఓం నమో భగవతే వాసుదేవాయ" అనే ద్వాదశాక్షరీ మంత్రం,ఓం నమశ్శివాయ అనే ప్రణవ పంచాక్షరీ మంత్రాన్ని జపించాలని పేర్కొంటున్నారు.అంతేకాదు,గర్భవతులు తమ తలకింద దర్బలను పెట్టుకుని పడుకుంటే పుట్టబోయే బిడ్డ ప్రహ్లాదుడి అంతటివాడవుతాడని పూర్వీకులు చెప్పారు.మరియు పంచాంగం,సంస్కృత గ్రంథాలను కూడా చదవరాదట.గ్రహణ సమయంలో సూర్యుడిని నేరుగా చూడటం వల్ల అందులో నుంచి వచ్చే కాస్మిక్ కిరణాలు హాని కలిగిస్తాయి.ఇది పరిశోధనాత్మకంగా నిరూపితమయ్యింది.గర్బిణిలపై కాస్మిక్ రేస్ ఎలాంటి ప్రభావం చూపుతాయన్న అంశంపై శాస్త్రవేత్తలు చాలా పరిశోధనలు చేశారు.ఈ విషయమై ఎలుకలపై చేసిన పరిశోధనలో గ్రహణ ప్రభావానికి గురైన ఎలుకకు పుట్టిన సంతానానికి బోన్ మ్యార్ సంభవించినట్టు గుర్తించారు.