//single page style gallary page

Questions? reply in 15 minutes!

Questions? reply in 15 minutes!

శ్రియ పెళ్లి ఫిక్స్ ! వరుడు ఎవరో తెలుసా ?

Category : national

ప్రముఖ హీరోయిన్‌ శ్రియ త్వరలో పెళ్లి కూతురు కాబోతున్నట్లు తెలిసింది. ఆమె రష్యాకు చెందిన క్రీడాకారుడు, వ్యాపారవేత్త ఆండ్రీ కొచీవ్‌‌ను ప్రేమించి పెళ్లాడుతున్నట్లు గత కొద్ది రోజులు వార్తలు వస్తున్న సంగతి తెలిసిందే. దీనిపై శ్రియ ఇప్పటి వరకు ఎలాంటి స్పందన వ్యక్తం చేయలేదు.

అయితే, మార్చి నెలలో ఆమె పెళ్లి చేసుకుంటున్నట్లు విశ్వసనీయ సమాచారం. ఈ మేరకు 17, 18, 19న మూడు రోజులపాటు రాజస్థాన్‌లోని ఉదయ్‌పూర్‌లో హిందూ సంప్రదాయం ప్రకారం వేడుక నిర్వహించనున్నట్లు తెలిసింది. తన పెళ్లి గురించి శ్రియా ఇప్పటికే తన స్నేహితులు, శ్రేయోభిలాషులకు సమాచారం ఇవ్వడంతో ఈ విషయం బయటకు పొక్కింది.

ఇండస్ట్రీలో తనకు సన్నిహితంగా ఉండే పలువురు నటీనటులకు కూడా తన పెళ్లికి వచ్చేందుకు సిద్ధంగా ఉండమని చెప్పిందని తెలిసింది. ఇటీవల ఆమె నటించిన ‘గాయత్రి’ సినిమా ప్రేక్షకులను మెప్పించలేకపోయింది. ప్రస్తుతం ఆమె ‘వీర భోగ వసంత రాయులు’ సినిమాలో నటిస్తోంది. హిందీలో ‘తడ్కా’, తమిళంలో ‘నరగాసురన్’ సినిమాల్లో నటిస్తోంది.