//single page style gallary page

Questions? reply in 15 minutes!

Questions? reply in 15 minutes!

విద్యార్థులను ఢీ కొన్న శివసేన నేత కారు

Category : national

పాఠశాలకు వెళ్తున్న విద్యార్థులను శివసేన నేత కారు ఢీకొట్టిన ఘటనలో ఇద్దరు మృతి చెందారు. మరో విద్యార్థి తీవ్రంగా గాయపడ్డారు. ప్రస్తుతం ఆ విద్యార్థి పరిస్థితి విషమంగా వుందని వైద్యులు తెలిపారు. మహారాష్ట్రలోని బరమతి గ్రామంలో గురువారం ఉదయం ఈ ఘటన చోటుచేసుకుందని పోలీసులు వెల్లడించారు. ఈ ప్రమాదం నేపథ్యంలో శివసేన నేత పప్పు మనెను పోలీసులు ప్రశ్నించారు. ప్రమాదం జరిగిన సమయంలో వాహనాన్ని ఆయన నడిపారా? లేక అందులో ఆయన వున్నారా? అనే కోణంలో పోలీసుల విచారణ సాగింది. అయితే పప్పు మనె స్నేహితుడొకరు కారును తీసుకెళ్లినట్లు ప్రాథమిక విచారణలో వెల్లడైందని పోలీసులు మీడియాకు తెలిపారు. మరోవైపు బరమతి గ్రామస్తులు పప్పు మనె ఇంటిని చుట్టుముట్టారు. ఆయనపై చర్యలు తీసుకోవాలని డిమాండ్‌ చేస్తూ నినాదాలు చేశార.