ప్రపంచంలోనే అత్యంత పొడుగు కాళ్లు కలిగిన మహిళగా రష్యన్‌ మోడల్‌ ఎకటెరినా లిసినా గిన్నిస్‌ బుక్‌లోకి ఎక్కింది. ఆమె పొడవు 6.87 అడుగులు ఉండగా కాళ్ల పొడవు 52 అంగుళాలు . జూన్‌ 13న ఆమె కాళ్ల కొలతలు తీసుకున్న గిన్నిస్‌ బుక్‌ ప్రతినిధులు అత్యంత పొడుగు కాళ్ల మహిళగా గుర్తించి ఆమెకు ధ్రువపత్రం అందజేశారు. ఆమె ఆ వివరాలను తాజాగా 2018 ఏడాది ఎడిషన్‌లో పొందుపరిచారు. 29 ఏళ్ల ఎకటెరినా రష్యాలో మోడలే గాక ప్రముఖ బాస్కెట్‌ బాల్‌ క్రీడాకారిణి అవ్వటం విఓశేషం. అంతేకాదు 2008 ఒలింపిక్స్‌లో బాస్కెట్‌బాల్‌ క్రీడలో కాంస్య పతకం గెలిచి రష్యా జట్టులో ఆమె సభ్యురాలుగా నిలిచారు.
తన కూతురు గిన్నిస్‌బుక్‌లో చోటు సంపాదించడం పట్ల ఎకటెరినా తండ్రి విక్టర్‌ లిసిన్‌ ఆనందాన్ని వ్యక్తం చేసాడు తన కూతురు పుట్టినప్పుడే కాళ్లు చాలా పొడుగున్నాయి. ఆమె శరీరంతో పాటు అవి కూడా పెరుగుతూ వచ్చాయి. నేడు ఆ కాళ్లే నా కూతురికి ప్రత్యేక గుర్తింపు తీసుకొచ్చాయి అంటూ సంతోషాన్ని వ్యక్త పరిచాడు. నా కాళ్లే మోడల్‌ ప్రపంచంలో నాకు అవకాశాలు, గుర్తింపు తీసుకొచ్చాయి. నన్ను ఈ రోజు ఈ స్థాయిలో ఉంచాయి అని ఎకటెరినా ఆనందం వ్యక్తం చేసింది.