//single page style gallary page

Questions? reply in 15 minutes!

Questions? reply in 15 minutes!

ఆదిత్యనాథ్ `యువసేన' పై ఆర్‌ఎస్‌ఎస్‌, బిజెపి ఆగ్రహం !

Category : national politics

ఉత్తరప్రదేశ్ ముఖ్యమంత్రిగా యోగి ఆదిత్యనాథ్ పదవి చేపట్టి రెండు నెలలు పూర్తవుతుండగా ఆయన ప్రారంభించిన  హిందూ యువ వాహిని ప్రాబల్యం పెరుగుతూ ఉండడంతో ఆర్‌ఎస్‌ఎస్‌, బిజెపి వర్గాలు తీవ్ర ఆగ్రహం వ్యక్తం చేస్తున్నాయి. ఆయన ఎంపీగా ఉన్న గోరక్‌పూర్‌ ప్రాంతానికే పరిమితమైన ఈ వాహిని ఇప్పుడు  రాష్ట్రవ్యాప్తంగా ఉధృతంగా  విస్తరిస్తున్నది.

కాషాయ రిబ్బన్లు ధరించి పలు చోట్ల దూకుడుగా వ్యవహరిస్తూ వార్తలలోకి ఎక్కుతున్నారు. ఉధృత హిందుత్వ వాదులుగా వ్యాపించే ప్రయత్నం చేస్తున్నారు. 15 ఏళ్ళ అనంతరం రాష్ట్రంలో లభించిన అధికారం, మరో రెండేళ్లలో రానున్న లోక్ సభ ఎన్నికలు దృష్ట్యా వాహిని కార్యకర్తల దౌర్జన్య చర్యల కారణంగా తమకు తీరని నష్టం కలిగించ గలదని బిజెపి నాయకులు ఆందోళన చెందుతున్నారు. 

గత ఫిబ్రవరి వరకు వాహినిలో చేరడం కోసం నెలకు 500 నుండి 1000 వరకు దరఖాస్తులు వచ్చెడివని, కానీ ఇప్పుడు రోజుకు ఐదు వేల వరకు వస్తున్నాయని తెలుస్తున్నది. పెరుగుతున్న ఈ ప్రాబల్యం ఆర్‌ఎస్‌ఎస్‌ కు అసంతృప్తి కలిగిస్తున్నది. 

పెరుగుతున్న వాహిని ప్రభావం పట్ల రాష్ట్ర బీజీపీ అధ్యక్షుడు, ఉప ముఖ్యమంత్రి కేశవ్‌ మౌర్య బహిరంగంగానే అసంతృప్తి వ్యక్తం చేశారు.  వాహిని పేరు ఎత్తకుండా పెరుగుతున్న ఇతర యువసేనలను సహించేదిలేదని, పార్టీ పరంగా అన్నీ ప్రాధాన్యతలు మొదట పార్టీకి, కార్యకర్తలకు ఇవ్వాలని స్పష్టం చేశారు. 

సోమవారం జరిగిన సమన్వయ సమావేశంలో సీనియర్  ఆర్‌ఎస్‌ఎస్‌ నాయకులు వాహిని కార్యకర్తల ఆగడాల పట్ల తమ అసంతృప్తి ని ముఖ్యమంత్రి వద్ద ప్రస్తావించారు. పైగా గోరక్షకులతో పాటు సంఘపరివార్ సంస్థలకు చెందినవారు చట్టాన్ని చేతిలోకి తీసుకొనే సహించెడిది లేదని అంటూ  పలు సార్లు ముఖ్యమంత్రి  బహిరంగ వేదికలపై హెచ్చరికలు జారీచేయడం పట్ల కూడా ఆక్షేపణ తెలిపినట్లు తెలిసింది. 

Related News