//single page style gallary page

Questions? reply in 15 minutes!

Questions? reply in 15 minutes!

కాంగ్రెస్ పార్టీ పై మరోమారు రేగా సంచలనం.. కాంగ్రెస్ లో ఆ ఇద్దరే మిగులుతారట

Category : politics state

పినపాక ఎమ్మెల్యే రేగా కాంతారావు కాంగ్రెస్ పార్టీ పై సంచలన వ్యాఖ్యలు చేశారు. టిఆర్ఎస్ పార్టీ తలుపులు తెరిస్తే కాంగ్రెస్ పార్టీలో ఆ ఇద్దరే మిగులుతారు అంటూ ఆయన వ్యాఖ్యానించారు . టిఆర్ఎస్ నాయకులు నిజంగా కాంగ్రెస్ పార్టీ నాయకులను పార్టీ మార్చడం కోసం పని చేస్తే కాంగ్రెస్ పార్టీలో కేవలం మిగిలేది ఉత్తమ్ కుమార్ రెడ్డి, భట్టివిక్రమార్క లేనని పినపాక ఎమ్మెల్యే రేగా కాంతారావు మాట్లాడడం రాజకీయ వర్గాలను షాక్ కు గురి చేసింది. .

గిరిజన గ్రామాల అభివృద్ధికి చిత్తశుద్ధితో కృషి చేస్తున్న సీఎం కేసీఆర్‌ వెంట కలిసి నడుస్తానన్న ఆయన మణుగూరులోని ఎమ్మెల్యే క్యాంపు కార్యాలయంలో విలేకరులతో మాట్లాడారు. కాంగ్రెస్‌ పార్టీలో ఉన్నా, నేను కేసీఆర్‌ మనిషినేనని , టిఆర్ఎస్ పార్టీలో ఇప్పుడు చేరనని, సమయం వచ్చినప్పుడు ఎమ్మెల్యే పదవికి రాజీనామా చేసే చేరుతా’ అని పినపాక ఎమ్మెల్యే రేగా కాంతారావు స్పష్టం చేశారు. నియోజకవర్గ సమస్యలపై సీఎం కేసీఆర్‌ను కలుస్తానంటే, వీల్లేదంటూ కాంగ్రెస్‌ నేతలు ఆంక్షలు పెట్టారని ఆరోపించారు. అయినా వెరవకుండా సాగు నీరు, తాగు నీరు, పోడు భూముల సమస్యలను సీఎం కేసీఆర్‌ దృష్టికి తీసుకెళ్లగా.. ప్రతిపక్ష పార్టీ ఎమ్మెల్యే లు అని చిన్నచూపు చూడకుండా వెనువెంటనే పరిష్కారానికి ఆదేశించారని చెప్పారు. ప్రజల సమస్యలు పట్టని కాంగ్రెస్ పార్టీలో ఎన్నాళ్లున్నా ప్రయోజనం ఉండదన్న ఉద్దేశంతోనే కేసీఆర్‌తో కలిసి నడవాలని నిర్ణయించుకున్నట్లు తెలిపారు.

కాంగ్రెస్ పార్టీ నాయకులు అనాలోచిత నిర్ణయాలతో పార్టీని భ్రష్టు పట్టిస్తున్నారని వారిని నమ్ముకుని ఎంత కాలం పని చేస్తామని ప్రశ్నించారు. సీఎం కేసీఆర్ కు కాంగ్రెస్ నాయకులను పిలవాల్సిన అవసరం లేదని ఆయన స్పష్టం చెయ్యటమే కాదు ఒకవేళ అలా పిలిస్తే కాంగ్రెస్ లో ఆ ఇద్దరే మిగులుతారు అని చెప్పి సంచలనం సృష్టించారు.