//single page style gallary page

Questions? reply in 15 minutes!

Questions? reply in 15 minutes!

ఛ ఛ అదేమీ లేదు !

Category : national

రేపు రాహుల్ గాంధీ కాంగ్రెస్ అధ్య‌క్ష ప‌ద‌విని స్వీక‌రించ‌నున్న‌ నేప‌థ్యంలో సోనియా గాంధీ రాజ‌కీయాల నుంచి తప్పుకుంటున్నారంటూ సోషల్ మీడియాలో ఉదయం నుండి వైరల్ అయిన వార్త‌ల‌ను కాంగ్రెస్ పార్టీ ఖండించింది.

రాహుల్‌కు అధ్య‌క్ష బాధ్య‌త‌లు అప్ప‌గించిన త‌రువాత పార్టీలో ఎటువంటి పాత్ర పోషిస్తార‌ని సోనియా గాంధీని తాజాగా విలేక‌రులు అడ‌గ‌గా.. 'విర‌మ‌ణే నా ప‌ని' అని ఆమె స‌మాధానం ఇచ్చారు. అయితే వెంటనే సోనియా గాంధీ రాజ‌కీయాల నుంచి తప్పుకుంటున్న‌ట్లు ఒక్కసారిగా వార్త‌లు వచ్చేశాయి. 2019 సార్వ‌త్రిక ఎన్నిక‌ల్లో రాయ‌బ‌రేలి నుంచి ఇక ఆమె పోటీ చేస్తారా? లేదా? అన్న విష‌యంపై చ‌ర్చ సాగింది.

ఈ నేపథ్యంలో దీనిపై తాజాగా కాంగ్రెస్‌ పార్టీ అధికార ప్రతినిధి రణదీప్‌ సూర్జేవాల్‌ స్పందిస్తూ.. సోనియా గాం‍ధీ కాంగ్రెస్‌ పార్టీ అధ్యక్ష బాధ్యతల నుంచి మాత్రమే రిటైర్‌ అవుతున్నారని, రాజకీయాలనుంచి కాదని ట్విట్ట‌ర్‌లో పేర్కొని స్ప‌ష్ట‌తనిచ్చారు. ఆమె మేధ‌స్సు, ఆశీస్సులు పార్టీకి ఎప్పటికీ అవసరమని అన్నారు.

అయితే, సోనియా భవిష్యత్‌ కార్యాచరణపై ఓ స్పష్టత ఇప్పటికే రాకపోయినా నిజానికి సోనియా రాజకీయాల నుంచి తప్పుకుంటే ఆమె ప్రస్తుతం కొనసాగుతున్న రాయ్‌బరేలీ స్థానం ఎవరి చేతుల్లోకి వెళుతుంది అన్నదే ప్రధాన ప్రశ్నగా చర్చ నడుస్తోంది.