//single page style gallary page

Questions? reply in 15 minutes!

Questions? reply in 15 minutes!

రజనీ రాజకీయ ప్రకటన : స్థానాలు కూడా ప్రకటన

Category : national

గత కొన్నాళ్ళగా తన రాజకీయ రంగప్రవేశం పై దోబూచులాట ధోరణి చూపిస్తూ వచ్చిన రజనీకాంత్ ఇప్పుడు తన రాజకీయ రంగప్రవేశం పై క్లారిటీ ఇచ్చేశాడు.

తాను రాజకీయాల్లోకి వస్తున్నానని స్పష్టం చేశారు. తమిళనాడులోని 234 నియోజకవర్గాల్లో పోటీ చేయబోతున్నామని చెప్పారు. యుద్ధం చేయబోతున్నానని... గెలుపు, ఓటమి భగవంతుడి చేతిలోనే ఉందని తెలిపారు. తనకు రాజకీయాలంటే భయం లేదని, మీడియా అంటేనే భయమని చెప్పారు. రాజకీయాల్లో గెలిస్తే విజయమని... లేదంటే విరమణ అని చెప్పారు.

ఆయన మాట్లాడుతూ, డబ్బు కోసమో, పేరు కోసమో తాను రాజకీయ పార్టీ పెట్టడం లేదని స్పష్టం చేశారు. కావాల్సినంత డబ్బు, పేరు ప్రఖ్యాతులు ఇప్పటికే తనకుఉన్నాయని చెప్పారు. ఇప్పటికీ తాను రాజకీయాల్లోకి రావడం అనవసరమేనని... కానీ రావాల్సిన సమయం ఆసన్నమైందని చెప్పారు. కాలమే దీన్ని నిర్ణయించిందని తెలిపారు.

కాలమే తన రాజకీయ ఆరంగేట్రాన్ని నిర్ణయించిందని అన్నారు.అభిమానులతో సూపర్ స్టార్ రజనీకాంత్ సమావేశం చివరి రోజుకు చేరుకుంది. ఈ సందర్భంగా ఆయన ప్రసంగిస్తూ, రాజకీయ ఆరంగేట్రంపై కీలక ప్రకటన చేశారు. రజనీ ప్రకటనతో చెన్నైలోని రాఘవేంద్ర కల్యాణమంటప ప్రాంగణం అభిమానుల కేరింతలతో దద్దరిల్లిపోయింది.

తమిళనాట రాజకీయాలు భ్రష్టు పట్టిపోయాయని చెప్పారు. కొన్ని రోజులుగా చోటు చేసుకున్న పరిణామాలతో తమిళ ప్రజలు తీవ్ర ఆవేదన చెందుతున్నారని తెలిపారు. మిగిలిన రాష్ట్రాలు తమిళనాడును చూసి నవ్వుకుంటున్నాయని అన్నారు. ఈ సమయంలో రాజకీయాల్లోకి రాకపోతే ప్రజలకు ద్రోహం చేసినవాడిగా మిగిలిపోతానని చెప్పారు. తనకు తమిళ ప్రజలంతా అండగా నిలవాలని కోరారు. రాజకీయ నాయకుడిగా ప్రజాస్వామ్యాన్ని పరిరక్షిస్తానని తెలిపారు.