//single page style gallary page

Questions? reply in 15 minutes!

Questions? reply in 15 minutes!

Rahul Gandhi | కర్ణాటక ఎన్నికల ప్రచారంలో రాహుల్ ..!

Category : politics

కర్ణాటక అసెంబ్లీ ఎన్నికల ప్రచారం క్రమంగా వేడెక్కుతోంది. కాంగ్రెస్ అధ్యక్షుడు రాహుల్ గాంధీ ఇవాల్టి నుంచి నాలుగురోజుల పాటు రాష్ట్రంలో ఎన్నికల ప్రచారం చేపడుతున్నారు.

బళ్లారి నుంచి ఆయన తన ప్రచారానికి శ్రీకారం చుడుతున్నారు. సోనియాగాంధీ నాయకత్వంలో 2013లో కాంగ్రెస్ రాష్ట్రంలో అధికారంలోకి వచ్చిన విషయాన్ని రాహుల్ గుర్తుచేస్తూ రాష్ట్రాన్ని అన్నిరంగాల్లోనూ ముందుకు తీసుకువెళ్తున్న కాంగ్రెస్‌కే మరోసారి పట్టం కట్టాలని ఓటర్లకు విజ్ఞప్తి చేయనున్నారు.

నాలుగురోజుల పర్యటనలో భాగంగా ఆలయ పర్యటనలను కూడా రాహుల్ కొనసాగించనున్నారు. కొప్పల్‌లోని ప్రఖ్యాత హులిగమ్మ ఆలయాన్ని రాహుల్ తొలుత సందర్శించే అవకాశాలున్నాయి. లింగాయత్ కమ్యూనిటీకి చెందిన రెండు ప్రార్థనా మందిరాలు, ఒక దర్గాతో సహా 25 ఆలయాలను ఆయన సందర్శిస్తారని తెలుస్తోంది.

తన ప్రచారంలో భాగంగా రోడ్డు షోలు, బహిరంగ సభలు, సామాజిక సంస్థలు, రైతులతో ముఖాముఖీ సమావేశాల్లో రాహుల్ పాల్గొంటారు. ఏప్రిల్ చివరివారం, లేదా మే మొదటి వారంలో రాష్ట్ర అసెంబ్లీ ఎన్నికలు జరుగనున్నాయి.

Related News