//single page style gallary page

Questions? reply in 15 minutes!

Questions? reply in 15 minutes!

బంగాళదుంపతో బంగారం తయారుచేసే యంత్రాన్ని తీసుకొస్తా - రాహుల్ !

Category : national

కాంగ్రెస్ ఉపాధ్యక్షుడు రాహుల్ గాంధీ ఈ మధ్య కాలంలో పప్పు గా సోషల్ మీడియా లో బాగా ఫేమస్ అయిన ఆయన ఏం చేసినా ఇటీవల వైరల్ అయిపోతోంది.

ఒకానొక దశలో రాహుల్ ని పప్పు అంటేనే కేసులు నమోదు చేస్తామని ఎన్నికల సంఘం ప్రకటన చేసిందంటే పరిస్థితి అర్ధం చేసుకోవచ్చు. తాజాగా రాహుల్ మాట్లాడినట్టుగా చెబుతున్న ఓ వీడియో సోషల్ మీడియా లో హల్ చల్ చేస్తోంది. దీంతో రాహుల్‌ను విమర్శిస్తూ నెటిజన్లు కామెంట్ల వర్షం కురిపిస్తున్నారు.

వివరాల్లోకి వెళితే గుజరాత్‌ ఎన్నికల సందర్భంగా అహ్మదాబాద్‌లోని నిర్వహించిన బహిరంగ సభలో రాహుల్ మాట్లాడుతుండగా ఆయన ... తాను ఆలుగడ్డ (బంగాళదుంప)తో బంగారం తయారుచేసే యంత్రాన్ని తీసుకొస్తానని ఇటువైపు నుంచి ఆలుగడ్డ పెడితే అటువైపు నుంచి బంగారం వస్తుందని చేతులు ఊపుతూ చెప్పినట్టున్న ఒక వీడియో బయటకి వచ్చింది. అంత డబ్బులు ఏం చేసుకోవాలో తెలియక ప్రజలు బుర్రలు బద్దలుగొట్టుకుంటారని ఆయన పేర్కొన్నారు.

దీంతో ‘‘ఇటువైపు నుంచి ఆలుగడ్డ పెడితే అటువైపు నుంచి బంగారం బయటకు వస్తుంది. అలాంటి మెషీన్‌ను తీసుకొస్తా’’ అని రాహుల్ అన్నట్టు ఉన్న 20 సెకండ్ల వీడియో సంచలనమైంది. అయితే గత కొంత కాలంగా రాహుల్ సోషల్ మీడియాలో చురుగ్గా ఉంటున్నారు. అవకాశం చిక్కినప్పుడల్లా బీజేపీ ప్రభుత్వం విధానాలపైనా, ప్రధాని నరేంద్రమోదీపైనా విరుచుకుపడుతున్నారు. అయితే తాజా ఘటన అందుకు పూర్తిగా విరుద్ధం.

రాహుల్ అలా అన్న మాట వాస్తవమే అయినా వాస్తవంలోకి వెళితే రాహుల్ మొత్తం 26 నిమిషాలు మాట్లాడితే అందులో కేవలం 20 సెకన్ల పాటు ఉన్న వీడియోను కట్ చేసి అప్‌లోడ్ చేశారు. నిజానికి రాహుల్ మొత్తం 26 నిమిషాలు మాట్లాడితే అందులో 17 నిమిషాలు ప్రధాని మోదీని ఎండగట్టారు. ఆదివాసీల అభివృద్ధికి ప్రధాని రూ.40వేల కోట్లు ఇస్తామన్నారని, కానీ పైసా కూడా ఇవ్వలేదని ఆరోపించారు. నెలరోజుల క్రితం ఇక్కడ వరదలు వస్తే రూ. 500 కోట్లు సాయం చేస్తానన్నారని కానీ, రూపాయి కూడా ఇవ్వలేదని పేర్కొన్నారు.

అలాగే మోదీ ఇటీవల ఓ హామీ ఇచ్చారని గుర్తుచేశారు. ‘‘ఐసీ మిషన్ లగా ఊంగా, ఇస్ సైడ్ సే ఆలూ గుసేగా, ఉస్ సైడ్ సే సోనా నికలేగా’’ (ఈ వైపు నుంచి ఆలుగడ్డలు పెడితే, ఆవైపు నుంచి బంగారం వస్తుంది. అలాంటి మెషీన్‌ను తీసుకొస్తా) అని ప్రధాని అన్నారని పేర్కొన్నారు. దీంతో ముందు వెనుకా కట్ చేసిన మోడీ అభిమానులు రాహుల్ ని మరో మారు నవ్వులపాలు అయ్యేలా చేశారు.