Questions? reply in 15 minutes!

Questions? reply in 15 minutes!

టైటిల్ సెంటిమెంట్ పై నమ్మకం పెట్టుకున్న మహేష్ బాబు....దీని అనిల్ ఒప్పుకుంటాడా... లేదా ...?

Category : movies

ప్రిన్స్ మ‌హేష్‌బాబు ప్రస్తుతం మహర్షి సక్సెస్ సంబరాల్లో తెగ బిజీగా ఉన్నారు. కేవ‌లం 4 రోజుల‌కే 100 కోట్ల పైగా గ్రాస్ వ‌సూళ్ల‌తో పాటు 70 కోట్ల షేర్ కొల్ల‌గొట్టిన మ‌హ‌ర్షి 110 కోట్ల షేర్ దిశ‌గా దూసుకుపోతోంది. నైజాంలో అయితే కేవ‌లం 6 రోజుల‌కే 22 కోట్ల షేర్ రాబ‌ట్టి ట్రేడ్ వ‌ర్గాల‌కు సైతం ఆశ్చర్యానికి గురి చేసింది . ఇలా ప్రస్తుతం ఈ సినిమా స‌క్సెస్‌ను పిచ్చ‌పిచ్చ‌గా ఎంజాయ్ చేస్తోన్న మ‌హేష్ .తాజాగా తన 26వ సినిమాపై పూర్తి దృష్టి పెట్టాడు. ఇప్పటికే టాలీవుడ్లో నాలుగు వ‌రుస హిట్ల‌తో టాప్ మోస్ట్ డైరెక్ట‌ర్‌గా సూపర్ ఫామ్‌లో ఉన్న అనిల్ రావిపూడి ద‌ర్శ‌క‌త్వంలో ఈ సినిమా తెరకెక్కుతోన్న సంగ‌తి తెలిసిందే. ఇక ఇండ‌స్ట్రీ ఇన్న‌ర్ స‌ర్కిల్స్‌లో వినిపిస్తోన్న టాక్ ప్ర‌కారం వ‌చ్చే నెల‌లో ఈ సినిమా లాంచ్ ఉంటుంద‌ని.. జూలై నుంచి కంటిన్యూగా జ‌రిగే షెడ్యూల్‌తో ఈ సినిమా కంప్లీట్ అవుతుంద‌ని అంతా అంటున్నారు. ఇక ఈ సినిమా టైటిల్ గురించి ఇండ‌స్ట్రీలో ర‌క‌ర‌కాల వార్త‌లు వినిపిస్తున్నాయి.

ఎక్కువ సెంటిమెంట్ల కు కేరాఫ్ అడ్రస్ గా ఉండే మన టాలీవుడ్ చిత్ర పరిశ్రమలో ఒక్కొక్కరికి ఒక్కో రకమైన సెంటిమెంట్ ఉండడం సర్వ సాధారణం.అయితే మహేష్ బాబు కి కూడా కొన్ని సెంటిమెంట్స్ ఉన్నాయి.అది కూడా తన సినిమా టైటిల్స్ విషయంలో.. ఈ విషయంలో దర్శకుడు అనిల్ రావిపూడి కి ఈ పెద్దగా సెంటిమెంట్లు అయితే ఫాలో కాడు. కథ ఎలాంటి టైటిల్ సూచిస్తుందో ..? దానినే టైటిల్ గా ఫాలో అవుతాడు. మహేష్ ఎక్కువుగా మూడు అక్షరాలు ఉన్న టైటిల్స్ నే ఎక్కువుగా ఎంచుకుంటూ ఉంటాడు. అయితే ఇప్పుడు ఈ సినిమా కోసం మహేష్ అనిల్ కు ఓ రిక్వెస్ట్ పెట్టినట్టు టాక్.తనకు మూడు అక్షరాల టైటిల్ అచ్చి వచ్చిన నేపథ్యంలో ఈ సినిమా కి కూడా మూడు అక్షరాల టైటిల్ పెట్టాలని సూచించాడట. ఈ సెంటిమెంట్ వర్క్ అవుట్ అవుతుంది అని మహేష్ మంచి ధీమాతో ఉన్నట్టు తెలుస్తోంది. అయితే ఇదే మూడు అక్షరాల టైటిల్స్ మహేష్ కు సూపర్ హిట్లు ఇచ్చాయ్... సూపర్ ప్లాప్స్ కూడా ఇచ్చాయ్. తాజాగా మహర్షి కూడా సూపర్ హిట్ అయ్యింది. ఇప్పుడు ఈ కొత్త ప్రాజెక్టుకు అదే సెంటిమెంట్ ఫాలో అయితే ఏం జరుగుతుంది ....? అన్నది చూడాలి.