//single page style gallary page

Questions? reply in 15 minutes!

Questions? reply in 15 minutes!

కూతురు కంటే పరువే ముఖ్యం ......

Category : state

జైలుకు వెళ్లేందుకు సిద్ధపడే ప్రణయ్‌ను హత్య చేయించానని అమృత తండ్రి మారుతీరావు తెలిపాడు. తన కూతురు కంటే సొసైటీలో పరువే ముఖ్యమని భావించానని చెప్పినట్లు తెలుస్తోంది. నల్గొండ జిల్లాలో సంచలనం సృష్టించిన ప్రణయ్‌ హత్యకేసులో నలుగురు నిందితులను పోలీసులు అరెస్టు చేసిన విషయం తెలిసిందే. పోలీసులు శనివారం (సెప్టెంబర్ 15) వీరిని విడివిడిగా విచారించారు. విచారణలో ఏ1 నిందితుడు అమృత వర్షిణి తండ్రి మారుతీరావు సంచలన విషయాలు తెలిపాడు.

‘అమృత, ప్రణయ్‌ ప్రేమ వ్యవహారం పదో తరగతిలోనే తెలుసు. నా కూతురు జోలికి రావద్దని ఎన్నిసార్లు చెప్పినా ప్రణయ్‌ వినిపించుకోలేదు. మా మాటల్ని లెక్కచేయకుండా పెళ్లి చేసుకున్నాడు. అతణ్ని చంపించినందుకు నాకు ఎలాంటి బాధలేదు. నా కూతురు కంటే సమాజంలో పరువే ముఖ్యమని భావించా. జైలుకు వెళ్లేందుకు సిద్ధపడే హత్య చేయించా’ అని మారుతీరావు చెప్పినట్లు తెలుస్తోంది.

ప్రణయ్‌ను హత్య చేసేందుకు రూ.10 లక్షలతో ఒప్పందం కుదుర్చుకున్నట్లు మారుతీరావు తెలిపాడు. రూ. 5 లక్షల అడ్వాన్స్‌ కూడా చెల్లించినట్లు చెప్పాడు. తన కూతురికి ఎలాంటి హానీ జరగొద్దని వారికి సూచించినట్లు తెలిపాడు.

కూతురిపై ప్రేమతోనే ఇలా చేసినట్లు వెల్లడించాడు. ప్రణయ్‌ కోసం సుఫారీ గ్యాంగ్‌ 2 నెలలుగా రెక్కీ నిర్వహించినట్లు పోలీసుల విచారణలో తేలింది.

Related News