//single page style gallary page

Questions? reply in 15 minutes!

Questions? reply in 15 minutes!

మోడీకి గుడి కట్టిన గుజరాతీయులు

Category : national

సినిమా తారలపై వున్న అభిమానంతో వాళ్లు బతికి వుండగానే వారికి గుడికట్టి ఆరాధించే సంస్కృతి తమిళనాడు వంటి దక్షిణ భారత రాష్ట్రాల్లో కనిపిస్తుంటుంది. కానీ ఈసారి ప్రధాని నరేంద్ర మోడీపై వున్న అభిమానంతో ఆయన కోసం ఓ గుడి నిర్మించిన ఘటన గుజరాత్‌లోని అహ్మదాబాద్‌కు 130 మైళ్ల దూరంలో ఉన్న ఓ గ్రామంలో చోటుచేసుకుంది. మోడీ మూడుసార్లు ముఖ్యమంత్రిగా పనిచేసిన గుజరాత్‌లో నిర్మించిన ఈ గుడిలో నరేంద్ర మోడీ విగ్రహాన్ని ప్రతిష్టించి పూజలు జరిపిస్తున్నారు.

ఏడాదిపాటు కష్టించి నిర్మించిన ఈ దేవాలయంలో రూ. 2 లక్షలు వెచ్చించి మోదీ విగ్రహాన్ని ఏర్పాటు చేశారు. దేశం కోసం తన జీవితాన్నే త్యాగం చేసిన నరేంద్ర మోడీ యువతరానికి నిజంగా దేవుడేనని ఈ దేవాలయ నిర్మాణాన్ని చేపట్టిన ఓం ట్రస్ట్ ప్రతినిధులు తెలిపారు. మున్ముందు ఈ గుడికి సందర్శకుల తాకిడి పెరగడం ఖాయమని గ్రామస్థులు విశ్వాసం వ్యక్తంచేస్తున్నారు.