//single page style gallary page

Questions? reply in 15 minutes!

Questions? reply in 15 minutes!

వివాద స్పదంగా మారిన ఎమ్మెల్యే ముద్దుల పోటీలు.

Category : national

ఈ ఆధునిక యుగంలో మోడ్రన్ లైఫ్‌స్టయిల్‌ ఉండేందుకు యువతీ, యువకులు తెగ ఆరాటపడుతుంటారు. ఈ నేపథ్యంలోనే మోడ్రన్ లైఫ్‌స్టయిల్‌ పోత్సాహానికి ఝార్ఖండ్‌లో ముద్దల పోటీలు నిర్వహించి, పోటీలలో గెలుపొందిన వారికి బహుమతులు కూడా ఇచ్చారు అక్కడ ఎమ్మెల్యే.

ఝార్ఖండ్‌లో మోడ్రన్ లైఫ్‌స్టయిల్‌కు ప్రోత్సాహాన్ని అందించేందుకు ఒక వినూత్నమైన పోటీని నిర్వహించారు. ఆదివాసీయుల మధ్య ప్రేమ, వారి సమాజంలో మోడ్రనైజేషన్‌ను పెంపొందించేందుకు కిస్సింగ్ కాంపిటీషన్ నిర్వహించారు. ఈ కాంపిటీషన్‌లో పార్టిసిపేట్ చేసిన వారంతా ఆదివాసీయులే కావడం విశేషం. ఈ కార్యక్రమంలో ఆదివాసీ జంటలు ఒకరికొకరు గాఢంగా చుంబించుకున్నారు. వారి అభిప్రాయంలో ఇలా చేయడం వలన ఒకరిపై ఒకరికి ప్రేమ పెరుగుతుందట.

ఈ కాంపిటీషన్‌ను ఝార్ఖండ్‌కు చెందిన ఎమ్మెల్యే నసైమన్ మరాండీ నిర్వహించారు. ఇది ఎమ్మెల్యే స్వగ్రామమైన తాల్ పహాడీలో జరిగింది. ఈ కాంపిటీషన్‌లో విశేషమేమంటే ఏ జంట అత్యధిక సమయం ముద్దు పెట్టుకుంటుందో వారిని విజేతగా ప్రకటించారు. ఈ విధంగా ఎంపికైన మూడు జంటలకు బహుమతులు అందజేశారు. ఈ సందర్భంగా ఎమ్మెల్యే మాట్లాడుతూ ఆదివాసీయులలో మోడ్రనైజేషన్ ను పెంపొందించేందుకే ఈ కిస్సింగ్ పోటీలు నిర్వహించినట్లు తెలిపారు. అయితే ఇప్పుడు ఈ ముద్దుల పోటీ వివాదాస్పదమవుతోంది. ఇలా బహిరంగ ముద్దులు సభ్యత కాదని ఆరోపిస్తూ మహిళా సంఘాలు మానవ హక్కుల సంఘంలో ఫిర్యాదు చేశాయి.