//single page style gallary page

Questions? reply in 15 minutes!

Questions? reply in 15 minutes!

కన్నీళ్లు పెట్టిస్తున్న ఉల్లి !

Category : national

ఉల్లి రిటైల్‌ ధరలు సామాన్యుడిని బెంబేలెత్తిస్తున్నాయి.

రోజురోజుకూ పెరుగుతున్న కూరాగాయల ధరలు సామాన్యులకి భారమవుతుంటే తాజాగా దేశ రాజధానిలో కిల్లో ఉల్లి రూ 80కి ఎగబాకింది. ఇతర మెట్రో నగరాల్లో కిలో ఉల్లి రూ 50 నుంచి రూ 70 పలుకుతోంది. ఆసియాలోనే అతిపెద్ద ఆజాద్‌పూర్‌ మండీలో మంగళవారం కిలో ఉల్లి రూ 80కి చేరిందని వ్యాపారులు చెప్పారు.

ఉల్లి సాగు అధికంగా ఉండే మహారాష్ర్ట, కర్ణాటక,మధ్యప్రదేశ్‌ రాష్ర్టాల నుంచి సరఫరాలు తగ్గడంతో ఉల్లి ధరలు కొండెక్కాయి. అతిపెద్ద ఉల్లి మార్కెట్‌గా పేరొందిన మహారాష్ర్టలోని లాసాల్గావ్‌ మండీకి ఉల్లి సరఫరాలు 12,000 క్వింటాళ్లకు పడిపోయాయి. గత ఏడాది ఇదే రోజు మార్కెట్‌కు ఏకంగా 22,933 క్వింటాళ్ల సరుకు వచ్చింది. ఇదే మార్కెట్‌లో గత సంవత్సరం కేవలం రూ 7.50గా ఉన్న కిలో ఉల్లి ప్రస్తుతం రూ 33కు ఎగబాకింది.

బెంగళూరు మార్కెట్ లో కిలో ఉల్లిగడ్డల ధర 70 రూపాయలకు చేరింది. మార్కెట్ లో ఉల్లికి డిమాండు పెరిగి సరఫరా తగ్గడంతో ధర అమాంతం పెరిగింది. బెంగళూరు మార్కెట్ కు ప్రతీరోజూ 80 నుంచి వంద ట్రక్కుల ఉల్లి వచ్చేది. ఏపీతోపాటు హుబ్లీ నుంచి వచ్చే ఉల్లి ట్రక్కులు 20కు తగ్గాయి. దీంతో ఒక వారంలోనే కిలో ఉల్లి ధర 40 రూపాయలు పెరిగింది.

పెరుగుతున్న ఉల్లి ధరలకు కళ్లెం వేసేందుకు సరఫరాను పెంచడానికి చర్యలు తీసుకుంటున్నామని సీనియర్ మార్కెటింగ్ అధికారులు చెపుతున్నారు. ఉల్లితోపాటు క్యారట్, క్యాలిఫ్లవర్, క్యాబేజి, బీన్స్, టమాట ధరలు పెరగడంతో సామాన్యులు తామేం తినాలని ఆందోళన చెందుతున్నారు.