//single page style gallary page

Questions? reply in 15 minutes!

Questions? reply in 15 minutes!

మరోసారి రికార్డులను బద్దలు కొట్టిన..రిలయన్స్ రింగ్ మాస్టారు అంబానీ....

Category : business

రిలయన్స్ అంటే టక్కున అందరు చెప్పే మాట అంబానీ జియో.రికార్డులను సొంతం చేసుకుంటున్నాడు.అనేక ఆఫర్లతో జియో ఇచ్చిన ఆయన ఒక్కోమెట్టు ఎక్కుతూ వచ్చాడు.ముఖేష్ అంబానీ ఆధ్వర్యంలోని రిలయన్స్‌ ఇండస్ట్రీస్‌ మరో రికార్డును తన ఖాతాలో వేసుకుంది.

కంపెనీ మార్కెట్‌ విలువ శుక్రవారం (జులై 13) నాటి ట్రేడింగ్‌లో తొలిసారి రూ.7లక్షల కోట్లకు చేరింది. దీంతో టీసీఎస్‌ కంపెనీ తర్వాత ఈ కీలక మైలురాయిని చేరుకున్న రెండో సంస్థగా రిలయన్స్‌ నిలిచింది. గురువారం (జులై 12) నాటి మార్కెట్ ట్రేడింగ్‌లో 100 బిలియన్ డాలర్ల (రూ.6.88 లక్షల కోట్లు) మార్కెట్ క్యాపిటలైజేషన్ స్థాయిని అందుకున్న సంగతి తెలిసిందే. అయితే శుక్రవారం నాటి ట్రేడింగ్‌లో మార్కెట్‌ విలువ ఇంకా పెరిగి తొలిసారి రూ.7,01,404 కోట్లకు (102 బిలియన్‌ డాలర్లు) చేరింది.

జులై 12న రిలయన్స్‌ ఇండస్ట్రీస్‌ షేరు విలువ 52 వారాల గరిష్ఠానికి చేరింది. కాగా, జులై 13న ఉదయం బీఎస్‌ఈ సెన్సెక్స్‌లో షేరు విలువ 2.31 శాతం పెరిగి రూ.1,107.25 వద్ద ముగిసింది. ఈ పెరుగుదలతో మార్కెట్ క్యాపిటలైజేషన్‌ విలువ దాదాపు 102 బిలియన్‌ డాలర్లు దాటింది. మార్కెట్‌ విలువలో టీసీఎస్‌ మొదటి స్థానంలో ఉంది. ఈ ఏడాది మే నెలలో టీసీఎస్‌ ఎంక్యాప్‌ విలువ రూ.7లక్షల కోట్లను దాటింది.

ప్రస్తుతం టీసీఎస్‌ మార్కెట్‌ విలువ రూ.7,60,355.03కోట్లుగా ఉంది. రెండో స్థానంలో రూ.7,01,404 కోట్లతో రిలయన్స్‌ ఇండస్ట్రీస్‌ నిలిచింది. తర్వాతి స్థానాల్లో హెచ్‌డీఎఫ్‌సీ (రూ.5,69,268.91 కోట్లు), హెచ్‌యూఎల్‌ (రూ.3,75,455.73 కోట్లు), ఐటీసీ (రూ.3,33,506.50 కోట్లు) మార్కెట్‌ విలువతో వరుసగా మూడు, నాలుగు, ఐదు స్థానాల్లో కొనసాగుతున్నాయి.