//single page style gallary page

Questions? reply in 15 minutes!

Questions? reply in 15 minutes!

తీరానికి కొట్టుకొచ్చిన మృతదేహాలు

Category : world

గల్లంతైన మయన్మార్‌ సైనిక విమాన శకలాలు, ప్రయాణీకుల మృతదేహాలు తీరానికి కొట్టుకొచ్చినట్లు ఆర్మీ అధికారులు ధ్రువీకరించారు. గురువారం ఉదయం 8.25గంటల సమయంలో అండమాన్‌ సముద్ర తీరంలో అలలకు మూడు మృతదేహాలు కొట్టుకు వచ్చాయి. మృతుల్లో ఒక మహిళ, చిన్నారి కూడా ఉన్నారు. వాటితో పాటు ప్రయాణికులు లగేజీ, సేఫ్టీ జాకెట్లు, ఎయిర్‌క్రాఫ్ట్‌ చక్రం ఒకటి లభ్యమయ్యాయి. మిగతా వారి మృతదేహాల కోసం నావికా దళ అధికారులు పడవల ద్వారా గాలింపు చర్యలు చేపట్టినట్లు సైనిక సమాచార బృందం ప్రతినిధి ఒకరు మీడియాకు తెలిపారు.

మయన్మార్‌లోని లాంగ్లాన్‌ తీర ప్రాంతంలో విమాన శకలాన్ని గుర్తించినట్లు ఆర్మీ చీఫ్‌ ఆఫీస్‌ కమాండర్‌ తెలిపారు. బుధవారం మధ్యాహ్నం సైనిక విమానం గల్లంతైన విషయం తెలిసిందే. ఈ విమానంలో ఎక్కువ మంది సైనిక సిబ్బంది కుటుంబసభ్యులే ఉన్నారు. వారిలో 15 మంది చిన్నారులు, 35 మంది సైనికులు, 14 మంది విమాన సిబ్బంది ఉన్నట్లు ఆర్మీ చీఫ్‌ కార్యాలయం తెలిపింది.

Related News