//single page style gallary page

Questions? reply in 15 minutes!

Questions? reply in 15 minutes!

2019 నాటికీ ఎన్టీఆర్ చేతికి పార్టీ పగ్గాలు......!

Category : state

ఎన్టీఆర్ ప్రస్తుతం ఉన్న నటులలో అల్ రౌండర్ గా తనదైన నటన తో అందరిని ఆకటుకుంటున్నారు.నటనలోనే కాకుండా రాజకీయం గా కూడా ఎన్టీఆర్ పై మంచి అభిప్రాయం ప్రజలలో ఉండటం విశేషం.గత ఎన్నికలలో టీడీపీ పార్టీ తరుపున ప్రచారం చేసారు.వివరాలలోకి వెళ్తే,

ఆంధ్రప్రదేశ్ ఐటీ, పంచాయితీ రాజ్ మంత్రి నారా లోకేశ్ పెట్టుబడుల సాధనే లక్ష్యంగా అమెరికాలో పర్యటిస్తోన్న విషయం తెలిసిందే. ఈ సందర్భంగా కాన్సులేట్ జనరల్ ఆఫ్ ఇండియా అట్లాంటాలో శనివారం నిర్వహించిన ఏపీ టు బిజినెస్ కార్యక్రమంలో లోకేశ్ పాల్గొన్నారు. లోకేశ్ మాట్లాడుతూ విభజన తర్వాత ఎన్నో సమస్యలు ఎదురైనా అధిగమించి ముందుకు సాగుతున్నాని తెలిపారు. న్యూజెర్సీలో ఎన్‌ఆర్ఐ టీడీపీ సభ్యులతోనూ లోకేశ్ సమావేశమయ్యారు.

ఈ క్రమంలో రాష్ట్రాభివృద్ధి, సంక్షేమ పథకాల అమలు, ఏపీ, తెలంగాణల్లో పార్టీ పరిస్థితులపై పలువురు ప్రవాసాంధ్రులు సలహాలు, సూచనలు ఇచ్చారు. ఈ సమయంలోనే గుంటూరుకు పాలపర్రుకు చెందిన నవీన్ అనే ప్రవాసాంధ్రుడు ఆసక్తికర వ్యాఖ్యలు చేశారు.

తెలంగాణలో తెలుగుదేశం పార్టీ బలపడాలంటే జూనియర్ ఎన్టీఆర్‌కు పార్టీ పగ్గాలను అప్పగించాలని ఆయన సూచించారు. ఎన్టీఆర్‌కు బాధ్యతలను అప్పగిస్తే 2019 ఎన్నికల్లో టీడీపీ మంచి ఫలితాలు సాధిస్తుందని అన్నారు. నవీన్ వ్యాఖ్యలపై అక్కడున్నవారంతా హర్షధ్వానాలు చేస్తూ మద్దతుతెలపడం విశేషం.

ఆపై నవీన్ తన ప్రసంగాన్ని కొనసాగిస్తూ, ఈ విషయంలో చంద్రబాబుతో చర్చించి త్వరగా నిర్ణయం తీసుకోవాలని పేర్కొన్నారు. సాధ్యమైనంత త్వరగా ఎన్టీఆర్‌ను తెలంగాణ ముఖ్యమంత్రి అభ్యర్థిగా ప్రకటిస్తే, గత ఎన్నికల్లో గెలిచిన సీట్లకంటే రెట్టింపు గెలుచుకోవచ్చని అన్నారు.

జూనియర్‌కు అధ్యక్ష బాధ్యతలు, ప్రసార బాధ్యతలను అప్పగిస్తే టీడీపీకి కనీసం 30 స్థానాల్లో గెలిచే అవకాశం ఉంటుందని అభిప్రాయపడ్డారు. తెలంగాణలో పార్టీ బలపడాలంటే దీనిపై దృష్టిసారించాలని ఆయన సలహా ఇచ్చారు. ఇక ఏపీలో 2019 ఎన్నికల్లో బీజేపీతో పొత్తు వద్దని, జనసేనను కలుపుకుని వెళ్లాలని కూడా నవీన్ సూచించారు. గత ఎన్నికల్లో టీడీపీ వల్లే బీజేపీ నాలుగు అసెంబ్లీ స్థానాలు, రెండు ఎంపీలను గెలుచుకుందని, చంద్రబాబునాయుడు గారు దూరదృష్టితో ఆలోచించి వారికి ఉనికి లేకపోయినా పొత్తుపెట్టుకున్నారని అన్నారు.

కానీ మోడీ మాత్రం టీడీపీ అధినేతకు అపాయింట్‌మెంట్ ఇవ్వకుండా ఏడాదిపాటు మొహంచాటేయడం అవమానకరమని వ్యాఖ్యానించాడు. ఈ విషయాలను చంద్రబాబుకు తెలియజేస్తానని... పార్టీ ప్రధాన కార్యదర్శిగా తన బాధ్యతను నిర్వరిస్తానని లోకేశ్ అన్నారు. తుది నిర్ణయం మాత్రం ముఖ్యమంత్రిగారిదేనని, జాతీయ అధ్యక్షుడిగా ఆయన ఏ నిర్ణయం తీసుకున్నా కట్టుబడి ఉంటామని ఆయన హామీఇచ్చారు.