ప్రపంచం జాతీయ ప్రాంతీయ రాజకీయాలు క్రీడలు వాణిజ్యం సినిమా సంపాదకీయం టెక్నాలజీ GST

Questions? reply in 15 minutes!

Questions? reply in 15 minutes!

CONTACT US

#203 Srinivasa Colony West
Ameerpet, Hyderabad-500038

Phone:040-23745777

E-Mail: info@ins.media

Questions? reply in 15 minutes!

Questions? reply in 15 minutes!

CONTACT US

#203 Srinivasa Colony West
Ameerpet, Hyderabad-500038

Phone:040-23745777

E-Mail: info@ins.media

రేపు రాయలసీమ బంద్ కు వామపక్షాల పిలుపు

Posted 7 months ago state politics

రాయలసీమ ప్రాంత జిల్లాల్లో నెలకొన్న కరవు నివారణ చర్యలు తీసుకోవడంలో ప్రభుత్వం ఉదాసీన వైఖరి అవలంబిస్తోందని ఆరోపిస్తూ అందుకు నిరసనగా ఈనెల 24న  రాయలసీమ బంద్‌ పాటించాలని ఉభయ కమ్యూనిస్ట్ పార్టీలు పిలుపిచ్చాయి. ఈ బంద్ కు కాంగ్రెస్‌, రైతు, ప్రజా సంఘాలు మద్దతు ఇచ్చాయని సిపిఐ రాష్ట్ర కార్యదర్శి కె.రామకృష్ణ పేర్కొన్నారు. వర్తక, వాణిజ్య, ఉద్యోగ, ఉపాధ్యాయ, కార్మిక సంఘాలూ కలిసిరావాలని ఆయన కోరారు.

ముఖ్యమంత్రి  చంద్రబాబు నాయుడు, ప్రతిపక్షనేత జగన్‌ ప్రధాని వద్దకు వెళ్లి ప్రత్యేక హోదా, విభజన హామీలపై మాట్లాడటం లేదని, రాష్ట్రానికి రాబట్టాల్సిన నిధులు తేవడంలోనూ విఫల మయ్యారని రామకృష్ణ విమర్శించారు. రాష్ట్రానికి ప్రత్యేక హోదా, విభజన హామీలపై సమాధానం చెప్పకుండా భాజపా అధ్యక్షుడు అమిత్‌షా రాష్ట్రంలో ఎలా పర్యటిస్తారని ప్రశ్నించారు.

ముఖ్యమంత్రి చంద్రబాబు ప్రాతినిధ్యం వహిస్తున్న రాయలసీమ కరువు ప్రాంతంగా మారిపోయిందని అంటూ  నిర్లక్ష్యం వీడి వెంటనే కరువు సహాయక చర్యలు చేపట్టాలని సిపిఎం రాష్ట్ర కార్యదర్శి పి.మధు డిమాండు చేశారు. తాగేందుకు నీళ్లు దొరకని సీమకు ప్రత్యేక ప్యాకేజీని ప్రకటించాలని కోరారు.

 రాయలసీమలో నెలకొన్న కరువు పరిస్థితులపై ప్రభుత్వం ఎలాంటి చర్యలూ తీసుకోకపోవడంతో బంద్ కు పిలుపు ఇవ్వవలసి వచ్చిందని ఆయన తెలిపారు. బంద్ కు మద్దతుగా మంగళవారం అన్ని మండల కేంద్రాలు, పట్టణ ప్రాంతాల్లో ఉభయ కమ్యూనిస్ట్ పార్టీలు బైక్‌ ర్యాలీలు నిర్వహిస్తున్నాయి.  

Most Read