//single page style gallary page

Questions? reply in 15 minutes!

Questions? reply in 15 minutes!

దారుణం... నవదంపతుల ఆత్మహత్య

Category : national

ప్రేమించుకున్నారు...పెళ్లి చేసుకుంటామంటే పెద్దలు ససేమిరా అన్నారు.. మీరు కాదంటే విడిపోవాలా అని వారిని ఎదురించి పెళ్లి చేసుకున్నారు. నిండు నూరేళ్లు కలిసి జీవిస్తామని ప్రమాణం చేసుకున్నారు. కానీ ఇంతలో ఏ కష్టం వచ్చిందో ఏమో పెళ్లి చేసుకున్న నెల రోజులకే జంటగా ఆత్మహత్య చేసుకుని తనువు చాలించారు. ఈ ఘటన కర్ణాటకలోని కెంగేరీ ప్రాంతంలో ఆదివారం చోటుచేసుకుంది.

మాండ్య జిల్లా డొడ్డి ప్రాంతానికి చెందిన 24 ఏళ్ల ప్రవీణ్‌ ఏడేళ్ల కిందట మైల సంద్రానికి వచ్చి తన స్నేహితుడితో కలిసి ఫాస్ట్-ఫుడ్ బండి నడుపుతున్నాడు. ఇదే క్రమంలో గౌండ్యపాల్యకు చెందిన 19 ఏళ్ల ప్రియతో పరిచయం ఏర్పడింది. ఈ పరిచయం ప్రేమకు దారితీసింది.దీంతో వివాహం చేసుకోవాలని ప్రేమికులు నిర్ణయించుకున్నారు. అయితే పెద్దలు మాత్రం వీరి ప్రేమకు అభ్యంతరం చెపారు.దాంతో ఇద్దరు విడిపోయి బ్రతకలేమని కొందరు పెద్దల సమక్షంలో నవంబరు 2 న పెళ్లి చేసుకున్నారు. పదిహేను రోజుల కిందటే కెంగేరి సమీపంలోని మైలసంద్ర వద్ద ఓ ఇల్లు అద్దె కు తీసుకుని కొత్త కాపురం ఆరంభించారు.

యథావిధిగా ఫాస్ట్-ఫుడ్ బండి నడుపుతూ జీవనం సాగిస్తున్నారు. ఇంతలో ఏమైందో గానీ అనూహ్యంగా ఆదివారం రాత్రి ఇంట్లోని ఫ్యాన్‌కు ఉరేసుకుని ఆత్మహత్యకు పాల్పడ్డారు. సోమవారం ఉదయం మృతురాలు ప్రియా తల్లి ఆ ఇంటికి రావడంతో విషయం వెలుగులోకి వచ్చింది. మృతదేహాల్ని రాజరాజేశ్వరి మెడికల్ కాలేజ్ హాస్పిటల్‌కు తరలించి, పోస్టుమార్టం నిర్వహించినట్లు పోలీసులు తెలిపారు. ఆత్మహత్యకు గల కారణాలు తెలియడం లేదని, కేసు నమోదుచేసి దర్యాప్తు చేస్తున్నామని అన్నారు.త్వరలోనే కేసు కు తగిన సమాచారాన్ని తెలుసుకుంటామని అన్నారు.