//single page style gallary page

Questions? reply in 15 minutes!

Questions? reply in 15 minutes!

రేపే కొత్త రూ 200 నోటు విడుదల

Category : national

కొత్త 200 నోటు విడుదలకు ముహుర్తం ఖరారైంది. ఈ నెల 25న వినాయక చవితి రోజున  రూ. 200 నోటును విడుదల చేసేందుకు రిజర్వు బ్యాంక్ నిర్ణయించింది. ఆర్బీఐ కార్యాలయాలు, కొన్ని ఎంపిక చేసిన బ్యాంకుల ద్వారా ఈ నోటును ఆర్బీఐ అధికారులు విడుదల చేయనున్నారు. రేపట్నుంచి రూ  200 నోటు చలామణిలోకి రానుంది.

భారతదేశ వారసత్వ, సాంస్కృతిక సంపద ఉట్టిపడేలా నోటు వెనుకభాగంలో సాంచీ స్థూపాన్ని ముద్రించారు. నోటు ముందు భాగం కుడివైపు చివరన అశోక స్థూపాన్ని ముద్రించారు. మహత్మా గాంధీ కొత్త సిరీస్ తో ఈ నోటు రానుంది. దేవనాగరి లిపిలో రూ 200 అంకెను నోటు ముందు, వెనుక భాగంలో ముద్రించారు. 

కొత్త రూ 200 నోటు పసుపు కలర్ లో ఉంది. ఈ నోటుపై ఆర్బీఐ గవర్నర్ ఉర్జిత్ పటేల్ సంతకం ఉంది. మైసూర్ గవర్నమెంట్ ప్రెస్ లో కొత్త రూ 200 నోట్లను ముద్రించారు. గతేడాది నోట్ల రద్దు తర్వాత.. కొత్తగా విడుదలైన రూ 200 నోటు నాలుగోది. మొదట రూ  2000, తర్వాత రూ 500 నోటును మార్కెట్ లోకి తీసుకొచ్చారు. ఇటీవలే రూ. 50 నోటును ఆర్బీఐ ప్రవేశపెట్టింది. కానీ రూ 50 నోటు ఇంకా చలామణిలోకి రాలేదు. 

దేశప్రజలు ఎదుర్కొంటున్న కరెన్సీ కష్టాలు తీర్చేందుకు కేంద్ర ప్రభుత్వం తొలిసారిగా రూ.200 నోట్ల విడుదలకు అనుమతి మంజూరు చేసిన విషయం విదితమే. పెద్దనోట్ల రద్దు అనంతరం రూ.2000 నోటును ప్రవేశపెట్టడంతో చిల్లర సమస్య అంతకంతకూ పెరుగుతున్న విషయం తెలిసిందే. ఈ నేపథ్యంలో ఆర్బీఐ డైరెక్టర్ల బోర్డు సిఫారసు మేరకు రూ.200 నోటును జారీ చేసేందుకు కేంద్ర ఆర్థికశాఖ అనుమతి మంజూరు చేసింది.