//single page style gallary page

Questions? reply in 15 minutes!

Questions? reply in 15 minutes!

హిందూ యువకుడికి అంత్యక్రియలు నిర్వహించిన ముస్లిం సోదరులు

Category : national editorial

భిన్నత్వంలో ఏకత్వాన్ని చాటే దేశం మనది. హిందూ ముస్లింలు ఇద్దరూ సహోదరుల్లా కలిసి జీవిస్తున్న గ్రామాలు ఎన్నో ఉన్నాయి. తాజాగా ఓ గ్రామంలో ముస్లిం సోదరులు చనిపోయిన హిందూ యువకుడికి పూర్తిగా హిందూ సాంప్రదాయంలో అంత్యక్రియలు నిర్వహించి గొప్పతనాన్ని చాటుకున్నారు. పలు చోట్ల ముస్లిం సోదరులపై ఆవుల సంరక్షకుల పేరిట దాడులు జరుగుతున్న సంగతి తెలిసిందే. అది నాణానికి ఒక వైపు మాత్రమే... మరో వైపు కలిసి మెలిసి జీవిస్తున్న ముస్లిం-హిందూ కుటుంబాలు ఎన్నో ఉన్నాయి.

పశ్చిమ బెంగాల్‌లోని మాల్డా జిల్లాలోని షేక్ పురా గ్రామంలో అన్ని ముస్లిం కుటుంబాలే నివసిస్తున్నాయి. వారి మధ్య రెండు మూడు హిందూ కుటుంబాలు ఉన్నాయి. వారంతా హిందూ కుటుంబాలతో కలిసి మెలిసి ఉంటారు. కాగా బిస్విజిత్ అనే హిందూ యువకుడు మరణించాడు. అతని తల్లిదండ్రులు చాలా పేదవారు. కనీసం అంత్యక్రియలు కూడా నిర్వహించడానికి వారి దగ్గర డబ్బులు లేవు దీంతో రాత్రంతా శవాన్ని ఎదురుగా పెట్టుకుని కూర్చున్నారు. వారి బాధని అర్థం చేసుకున్న ముస్లిం కుటుంబాలు మరుసటి నాడు ఉదయమే ఇంటికి వచ్చి సాయం చేస్తామని చెప్పారు.