//single page style gallary page

Questions? reply in 15 minutes!

Questions? reply in 15 minutes!

ట్రాక్టర్ పై ఒకరు : సైకిల్ ఒకరు

Category : national

మేరా భారత్ మహాన్ అనే రోజులు త్వరలోనే రానున్నాయా అంటే అవుననే అనిపిస్తున్నాయి తాజా ఘటనలు.

శుక్రవారం ప్రారంభమైన శీతాకాల సమావేశాల తొలిరోజన కొందరు సభ్యులు..అనూహ్య రీతిలో సభకు వచ్చారు. సైకిల్‌, ట్రాక్టర్‌, బుల్లెట్‌పై ఇలా.. ఒక్కో వాహనం మీద లోక్‌సభకు వచ్చారు. రోడ్లపై వీరిని చూసిన జనాలు.. వీరిని ఒకింత ఆశ్చర్యంగా గమనించడం విశేషం​.

ఇండియన్ నేషనల్ లోక్ దళ్‌కు చెందిన ఎంపీ దుష్యంత్ చౌతాలా ఎంచక్కా ట్రాక్టర్ నడుపుతూ పార్లమెంట్‌కు వచ్చాడు. ఈ దృశ్యాన్ని చూసిన వారందరూ ఆశ్చర్యపోయారు. ఆ తర్వాత ఎంపీ మీడియాతో మాట్లాడుతూ ట్రాక్టర్ ను వ్యవసాయం వాహనంగా ప్రభుత్వం గుర్తించడంలేదు, దీనివలన రైతులు ఇబ్బందులు పడుతున్నారు. వాళ్లు టోల్ చెల్లించాల్సి వస్తుంది. అందుకే మోటార్ వెహికిల్ చట్టంలోని నిబంధలను సవరించాలని తాను ఇలా ట్రాక్టర్ నడిపి నిరసన తెలుపుతున్నానని’ ఎంపీ వివరించారు.

అయితే చౌతాలా ఇలా పార్లమెంట్‌కు రావడం కొత్తేమీ కాదు. గతంలో పొల్యూషన్‌ కారణంగా ఢిల్లీ ప్రభుత్వం తీసుకున్న సరి-బేసి విధానాన్ని వ్యతిరేకిస్తూ గుర్రంపై పార్లమెంట్‌కు వచ్చారు. కేంద్రమంత్రి అర్జున్‌ రామ్‌ మేఘవాల్‌, బీజేపీ ఎంపీలు మన్షుఖ్‌ ఎల్‌ మాండవీయ, మనోజ్‌ తివారీలు సైకిల్‌పై పార్లమెంట్‌కు హాజరయ్యారు.

కాంగ్రెస్‌కు చెందిన మహిళా ఎంపీ రంజీత్‌ రంజన్‌ ఆరెంజ్‌ కలర్‌లోని హార్లీ డేవిడ్‌సన్‌ బైక్‌పై పార్లమెంట్‌కు వచ్చి అందరినీ ఆశ్చర్యంలో ముంచెత్తారు. మహిళల దినోత్సం కాబట్టి.. మహిళా శక్తిని చాటేందుకు హార్లీడేవిడ్‌సన్‌ బైక్‌ వచ్చినట్లు ఆమె పేర్కొన్నారు. బీహార్‌లోని సుపాల్‌ నియోజకవర్గానికి 42 ఏళ్ల రంజిత్‌ రంజన్‌ ప్రాతినిథ్యం వహిస్తున్నారు. ఇదిలా ఉండగా శుక్రవారం ప్రారంభమైన శీతాకాల సమావేశాలు.. జనవరి 5 వరకూ కొనసాగనున్నాయి. ఈ సమావేశాల్లో ప్రధానంగా ట్రిపుల్‌ తలాక్‌ సహా 14 ​కీలక బిల్లులు చర్చకు రానున్నాయి.