//single page style gallary page

Questions? reply in 15 minutes!

Questions? reply in 15 minutes!

ఐసిసి ప్రపంచకప్‌లో సెమీస్‌కు చేరిన మిథాలీ సేన

Category : sports

ఐసిసి ప్రపంచకప్‌లో చావోరేవో తేల్చుకోవా ల్సిన మ్యాచ్‌లో మిథాలీ సేన నిలిచి సెమీస్‌కు చేరింది. కివీస్‌పై 186 పరుగుల తేడాతో భారత్‌ ఘన విజయం సాధించింది. తొలుత బ్యాటింగ్‌, ఆ తర్వాత బౌలిం గ్‌లో రాణించిన అమ్మాయిల జట్టు సునాయాస విజయంతో టైటిల్‌ వేటకు రెండు అడుగుల దూరంలో నిలిచింది. 

టాస్‌ గెలిచిన న్యూజిలాండ్‌ సారథి బేట్స్‌ ఇండియాను బ్యాటింగ్‌కు ఆహ్వానించింది. భారత్‌ నిర్ణీత 50 ఓవర్లలో 265/7 పరుగులు చేసింది. 266 పరుగుల లక్ష్య సాధనలో బరిలో దిగిన న్యూజిలాండ్‌ కేవం 25.3 ఓవర్లలో 79కే కుప్పకూలి ఓటమి పాలైంది. జట్టు విజయంలో భారీ స్కోర్‌ సాధించిన మిథాలీని ప్లేయర్‌ ఆఫ్‌ ది మ్యాచ్‌ అవార్డు వరించింది. 

న్యూజిలాండ్‌ కెప్టెన్‌ బేట్స్‌ 1 పరుగు వద్ద పాండే బౌలింగ్‌ ఔటయ్యింది. మూడో ఓవర్‌ చివరి బంతికి ప్రీస్ట్‌ను 5 పరుగుల వద్ద జులన్‌ గోస్వామి కాటన్‌ బౌల్డ్‌ చేయడంతో కివిస్‌ ఏడు పరుగులకు కీలకమైన ఓపెనర్ల వికెట్లను కోల్పోయింది ఆ జట్టులో శాంటర్న్‌ వెయిట్‌ ఆల్‌రౌండర్‌ చేసిన 26 పరుగులే అత్యధికం కావడం గమనార్హం.

మిథాలీ రాజ్‌ బాధ్యయుతమైన శతకంతో గౌరవ ప్రదమైన స్కోర్‌ సాధనకు కృషి చేసింది. దీంతో కెరీర్‌లో ఆరో సెంచరీ పూర్తి చేసింది. కౌర్‌, వేదలు అర్ధ సెంచరీ లతో కెప్టెన్‌కు తమ వంతు సహకారం అందించారు. అయితే చివరి ఓవర్‌లో పరుగుల సాధనలో కాస్పరెక్‌ బౌలింగ్‌ మిథాలీ 109 పరుగుల వద్ద (123 బంతుల్లో 11 ఫోర్లు) ఔట్‌ కాగా, వేద 70 పరుగుల వద్ద రనౌట్‌ అయ్యింది. చివరి బంతికి శిఖా పాండే డకౌట్‌ కావడంతో భారత్‌ 265/7 పరుగులు చేసింది. 

Related News