//single page style gallary page

Questions? reply in 15 minutes!

Questions? reply in 15 minutes!

జగన్ ఆస్తుల కేసులో మోదీకి నోటీసులు..!

Category : politics

ఆంధ్ర ప్రదేశ్ ప్రతిపక్ష నేత జగన్ కి చెందిన ఆస్తుల కేసు కేంద్రానికి అందునా నరేంద్ర మోడీకి చిక్కులు తెచ్చి పెట్టింది.

ఈ కేసులో అంతర్జాతీయ న్యాయస్థానం భారత్‌కు నోటీసులు పంపినట్లు తెలుస్తోంది. ఇందూ టెక్ జోన్ ఐటీ కేసుతో తాము భారీగా నష్టపోయామని... న్యాయం చేయాలని కోరుతూ మారిషస్ ప్రభుత్వం నెదర్లాండ్స్‌లోని ఆర్బిట్రేషన్ కోర్టును ఆశ్రయించిందట. సీబీఐ కేసుతో ఇందూ టెక్ ప్రాజెక్ట్ ఆగిపోయింది.

ఈ దెబ్బకు తమకు భారీ నష్టాలు వచ్చాయని... 50 మిలియన్ డాలర్ల పరిహారాన్ని ఇప్పించాలని కోర్టులో పిటిషన్ వేశారు. దీనిపై ప్రభుత్వానికి ప్రధాని మోదీ పేరుమీద నోటీసులు వచ్చాయని సమాచారం. అలాగే ఆర్థిక, వాణిజ్య, న్యాయ, పట్టణాభివృద్ధిశాఖల మంత్రుల్ని ప్రతివాదులుగా చేర్చినట్లు వార్తలొస్తున్నాయి.

ఇందూ టెక్ జోన్ ఐటీ సెజ్ కేసులో జగన్, శ్యామ్‌ప్రసాద్‌రెడ్డి సహా పలువురిపై సీబీఐ ఛార్జ్‌షీట్ దాఖలు చేసింది. దీంతో ప్రాజెక్టు ముందుకు సాగలేదు ఈ జోన్‌లో మారిషస్‌కు 49శాతం వాటా ఉంది. ఐటీ సెజ్ కోసం మారిషస్‌కు చెందిన కరీసా ఇన్వెస్ట్‌మెంట్స్ మొత్తం రూ.115 కోట్లు పెట్టుబడి పెట్టింది. మారిషస్ నోటీసులు పంపిన అంశాన్ని తెలంగాణ ప్రభుత్వం కూడా ధృవీకరించిందట. సీబీఐ, ఈడీ కేసులు పెండింగ్‌లో ఉన్నందున తమ పెట్టుబడుల ఒప్పందానికి రక్షణ లేకుండా పోయిందంటూ నోటీసులు పంపించినట్టు తెలుస్తోంది. దీని పై రాజకీయ పార్టీలు ఇంకా స్పందించలేదు.

Related News